2 REYES 8:6 - Dios Rimashcata Quillcashcami

⁶ Jatun mandac chai huarmita tapucpi, paica tucuimi parlarca. Chashna parlacpimi, jatun mandacca quipa mandac runataca: «Tucui chai huarmipac cashcacunatapish, chai llactamanta llucshishca punzhamanta cunan punzhacaman paipac allpapi tucui pucushcacunata cutichichun mandagri» nirca.

2 REYES 8:6 ပူးပေါင်းရင်းမြစ်များ

GÉNESIS 37:36

Madianitacunaca Josetaca Egiptopimi soldadocunata mandac Faraonta servic Potifarman caturca.

2 SAMUEL 9:7

Shina nicpimi Davidca: —Ama manchaichu. Cambac taita Jonatanta cuyashcamantami canmanca allicunata ruhuagrini. Shinallatac cambac taita Saulpac allpatapish canman cutichigrinimi. Canca punzhantami ñuca mizapi micugringui— nirca.

2 REYES 8:5

Giezi shuc huahuata causachishcata parlacucpimi, chai causachishca huahuapac mamaca jatun mandacta paipac huasita, allpacunata cutichichun nishpa mañangapac chayarca. Shina chayacpimi Giezica: «¡Jatun mandac ñuca amolla! ¡Chai huarmica paimi! ¡Cai huahuatami Eliseoca causachirca!» nirca.

2 REYES 8:7

Chai quipami Eliseoca Damasco puebloman rirca. Chaipica Siria llactata jatun mandac Ben-hadadmi ungushca carca. Chaimantami jatun mandactaca: «Diospac runami caiman shamushca» nishpa huillarca.

2 REYES 9:32

Shina nicta Jehú uyashpa, ventanata huichai ricushpaca: —¿Pitac ñucahuan tandanacusha ninguichic?— nirca. Shina nicpimi, mandaccunapuramanta ishcai, quimsa paita chaparca.

1 CRÓNICAS 28:1

Davidca tucui israelcunata mandaccunata, aillucunata mandaccunata, jatun mandacta servingapac quillanta shamuc soldadocunata mandaccunata, huaranga soldadocunata, patsac soldadocunata mandaccunata, jatun mandacpac tucui ima charishcacunata, paipac churicunapac ima charishcacunata mandaccunata, paipac soldadopurapi ashtahuan alli nishca sinchi soldadocunatami Jerusalenpi tandachirca.

PROVERBIOS 16:7

Mandac Dios maijan runapac causaita allimi nicpica, paita piñaccunapish paihuan alli tucusha ningacunami.

PROVERBIOS 21:1

Jatun mandacpac shungu Mandac Diospac maquipica callpacuc yacu shinami. Diosmi pai munashcata ruhuachin.

DEUTERONOMIO 22:2

Huauqui carupi causacpi, mana cashpaca pipac cashcata mana yachashpaca, cambac huasipi charicungui. Pai mashcashpa shamucpica cutichingui.

JUECES 11:13

Shina tapucpimi Jeftepac huillaccunata amonitacunata mandacca: —Israelcuna Egiptomanta llucshishpaca ñuca llactatami Arnón yacumanta Jaboc yacucaman, shinallatac Jordán yacucaman japirca. Cunanca chai allpacunata mana imata nishpa cutichichic— nirca.