2 REYES 8:3 - Dios Rimashcata Quillcashcami

³ Ña canchis huata quipami, chai huarmica filisteocunapac llactamanta cutishpa, Israel llactata jatun mandactaca paipac huasita, allpata cutichichun nishpa mañangapac rirca.

2 REYES 8:3 ပူးပေါင်းရင်းမြစ်များ

2 SAMUEL 14:4

Shina nicpimi, Tecoa pueblomanta huarmica jatun mandacpacman rishpa, cazushcata ricuchingapac pambacaman cumurishpa, jatun mandactaca: —¡Jatun mandaclla, ñucata ayudaiyari!— nirca.

2 REYES 4:13

Eliseoca paita servic Giezitaca: —Chai huarmitaca: “Ñucanchic-huanca yallitami alli cashcangui. Chaimanta, ¿ima allitatac canman ruhuashun? ¿Jatun mandac-huan mana cashpaca, soldadocunata mandac-huan canmanta parlachun ninguichu?” nishpa tapui— nirca. Shina tapucpi, chai huarmica: —Cai ñuca gentecunapac chaupipica allimi causani— nirca.

2 REYES 6:26

Shuc punzhami Israel llactata jatun mandacca jatun pirca jahuata puricurca. Chaita shuc huarmi ricushpaca: —¡Ñuca amo jatun mandaclla, llaquishpa ayudaiyari!— nishpa caparirca.

2 REYES 8:2

Chaimantami chai huarmica Diospac runa nishca shinallatac paipac familiandi filisteocunapac llactaman rishpa, canchis huatata causarca.

2 REYES 8:4

Chai ratoca Eliseota servic Giezi parlashpami jatun mandacca: «Eliseo ima allicunata ruhuashcata parlai» nishpami mañacurca.

2 REYES 8:6

Jatun mandac chai huarmita tapucpi, paica tucuimi parlarca. Chashna parlacpimi, jatun mandacca quipa mandac runataca: «Tucui chai huarmipac cashcacunatapish, chai llactamanta llucshishca punzhamanta cunan punzhacaman paipac allpapi tucui pucushcacunata cutichichun mandagri» nirca.

JEREMÍAS 22:16

Paica llaquilla causaccunamanpish, huacchacunamanpish allita mandashpami alli causarca. Ñucata ricsishcamantami chashnaca causan.

RUT 1:7

Noemica pai causacushca pushtumantami ishcai nueracunandi Judá llactaman cuti callarirca.