2 REYES 8:29 - Dios Rimashcata Quillcashcami

²⁹ Jatun mandac Joramca siriocunahuan macanacushpa, chugrichishcata jambiringapacmi Jezreel puebloman cutirca. Paitaca Siria llactata jatun mandac Hazaelhuan macanacungapac ricpimi, Ramot pueblopi chugrichishca carca. Acabpac churi Joram ungushca cacpimi, Judá llactata jatun mandac Jorampac churi Ocoziasca Jezreel pueblopi ricungapac rirca.

2 REYES 8:29 ပူးပေါင်းရင်းမြစ်များ

1 REYES 22:34

Ashtahuanpish shuc soldadomi arcohuan pucllashpalla shitashpa Israel llactata jatun mandactaca macanacungapac sinchi churanata churarishcata pasachishpa chugrichirca. Chaimantami paica carretata apactaca: «¡Carretata muyuchishpa, cai macanacuimanta llucchi. Ñucaca chugrishcami cani!» nirca.

2 REYES 10:13

Chaipimi Judá llactata jatun mandac Ocoziaspac huauquicunahuan tuparca. Paicunataca: —Cancunaca, ¿pitac canguichic?— nirca. Shina nicpimi paicunaca: —Ñucanchicca Ocoziaspac huauquicunami canchic. Jatun mandacpac churicunata, jatun mandac Jezabelpac huahuacunata allillachu canguichic ningapacmi shamurcanchic— nirca.

2 REYES 8:28

Ocoziasca Acabpac churi Joramhuan tandanacushpami, Galaad llacta Ramot pueblopi Siria llactata jatun mandac Hazaelhuan macanacungapac rirca. Chai macanacuipimi siriocunaca Joramta chugrichirca.

2 REYES 9:1

Eliseoca Dios ima nishcata huillacpuramanta shucta cayashpami: «Allichirishpa, cai uchilla puñu aceiteta apashpa, Galaad llacta Ramot puebloman ri.

2 REYES 9:14

Nimsipac nieto Josafatpac churi Jehuca Joramta huañuchingapacmi israelcunahuan pacalla parlanacurca. Joramca Siria llactata jatun mandac Hazael ama yaicuchunmi, Galaad llacta Ramot pueblotaca tucui israelcunahuan cuidacurca.

JOSUÉ 19:18

Paicunapac pueblocunaca: Jezreel, Quesulot, Sunem,