2 REYES 8:24 - Dios Rimashcata Quillcashcami

²⁴ Joram huañushpa, paipac ñaupa taitacunahuan tandarigricpica, paipac taitacuna enterrashcapimi Davidpac pueblopi enterrarca. Paipac randica paipac churi Ocoziasmi mandai callarirca.

2 REYES 8:24 ပူးပေါင်းရင်းမြစ်များ

1 REYES 11:43

Salomón huañushpa, paipac ñaupa taitacunahuan tandanacugricpica, Davidpac pueblopimi enterrarca. Paipac randica paipac churi Roboammi mandarca.

1 REYES 14:20

Jeroboamca ishcai chunga ishcai huatatami mandarca. Pai huañushpa, paipac ñaupa taitacunahuan tandanacucpica, paipac randica paipac churi Nadabmi mandarca.

1 REYES 14:31

Roboam huañushpa, paipac ñaupa taitacunahuan tandanacucpica, paipac taitacunata enterrashca ladollapitacmi Davidpac pueblopi enterrarca. Paipac mamaca amonitapuramanta Naamami carca. Paipac randica paipac churi Abiasmi mandarca.

1 REYES 2:10

David huañushpa, paipac taitacunahuan tandanacucpica, paipac pueblollapitacmi enterrarca.

2 REYES 10:13

Chaipimi Judá llactata jatun mandac Ocoziaspac huauquicunahuan tuparca. Paicunataca: —Cancunaca, ¿pitac canguichic?— nirca. Shina nicpimi paicunaca: —Ñucanchicca Ocoziaspac huauquicunami canchic. Jatun mandacpac churicunata, jatun mandac Jezabelpac huahuacunata allillachu canguichic ningapacmi shamurcanchic— nirca.

2 REYES 14:20

Paitaca caballopi apachishpa rishpami, paipac ñaupa taitacunata enterrashca lado Jerusalenllapitac enterrarca. Chai puebloca Davidpac pueblomi carca.

2 REYES 15:38

Jotam huañushpa, paipac ñaupa taitacunahuan tandanacugricpica, paipac ñaupa taitacunata enterrashcallapitacmi Davidpac pueblopi enterrarca. Paipac churi Acazmi paipac randi mandarca.

2 REYES 16:20

Jatun mandac Acaz huañushpa paipac ñaupa taitacunahuan tandanacugricpica, paipac ñaupa taitacunata enterrashcallapitacmi Davidpac pueblopi enterrarca. Paipac churi Ezequiasmi paipac randi mandarca.

2 REYES 8:23

Jorampac shuctac ruhuashcacunapish, imacunallata ruhuashcapish Judá llactata mandaccuna imata ruhuashcata quillcashcapimi tiyacun.

2 REYES 9:28

Chaipi huañucpimi, paita serviccunaca Jerusalenman shuc carretapi aparca. Chaiman apashpami, paitaca paipac ñaupa taitacunata enterrashcapi Davidpac pueblopi enterrarca.

1 CRÓNICAS 3:11

Josafatpac churica Joram, Jorampac churica Ocozías, Ocoziaspac churica Joasmi carca.

2 CRÓNICAS 21:1

Josafat huañushpa paipac ñaupa taitacunahuan tandanacugricpica, chai taitacunata enterrashca ladollapitacmi Davidpac pueblopi enterrarca. Paipac randica paipac churi Jorammi mandai callarirca.

2 CRÓNICAS 21:17

Paicunaca Judá llactapi causaccunahuan macanacungapac huichai rishpami, paicunata mishashpa, jatun mandacpac huasipi ima tiyashcacunatapish, paipac churicunatapish, paipac huarmicunatapish aparcacuna. Paipac churicunamantaca tucuipac quipa Joacazllami saquirirca.

2 CRÓNICAS 21:20

Paica quimsa chunga ishcai huatata charishpami, mandai callarirca. Paica pusac huatatami Jerusalenpi mandarca. Pai huañucpica, pi mana huacarcachu. Paitaca Davidpac pueblopimi enterrarca. Shina cashpapish, jatun mandaccuna enterrana jutcupica mana enterrarcachu.

2 CRÓNICAS 21:7

Ashtahuanpish Mandac Diosca Davidhuan ari nishcamantami Davidpac huahua huahua mandaccunataca mana chingachinata munarca. Paica Davidtapish, paipac huahua huahuacunatapish rimashpaca, lámpara rupacuc shina cambac huahua huahuacuna mandachunmi mandanataca huiñaita cancunaman cusha nishcami carca.

2 CRÓNICAS 22:1

Shuhuaccuna arabecunahuan carpa huasicunaman shamushpa, Jorampac punta churicunata tucui huañuchishcamantami Jerusalenpi causaccunaca Jorampac randica, paipac quipa churi Ocoziasta jatun mandac cachun churarca. Chaimantami Jorampac churi Ocozías, Judá llactata mandai callarirca.

2 CRÓNICAS 22:6

Siria llactata jatun mandac Hazaelhuan Ramot pueblopi macanacucushpa, chugririshpami, Joramca Jezreel pueblopi jambiringapac rirca. Acabpac churi Joram Jezreel pueblopi huañunalla cacpimi, Judá llactata jatun mandac Jorampac churi Ocoziasca ricungapac rirca.

2 CRÓNICAS 25:23

Israel llactata jatun mandac Joasca Judá llactata jatun mandac Amasiastaca Bet-semes pueblopi japishpami Jerusalenman apamurca. Amasiasca Joaspac churimi carca. Joasca Joacazpac churimi carca. Jerusalén pircataca Efraín pungumantaca esquinapi cac pungucamanmi patsac pusac chunga metrota tuñirca.