2 REYES 8:1 - Dios Rimashcata Quillcashcami

¹ Sunamita huarmipac huahuatami Eliseoca causachishca carca. Chai huarmihuan parlashpami Eliseoca: «Mandac Diosmi canchis huatacunata cai llactapi yarcai tiyachun mandashca. Cunanca caimanta ri cambac familiahuan can maipi causai pudishcapi causagri» nirca.

2 REYES 8:1 ပူးပေါင်းရင်းမြစ်များ

GÉNESIS 12:10

Chai llactapi yalli yarcai tiyashcamantami Abramca Egiptopi causangapac rirca.

GÉNESIS 26:1

Chai llactapica yalli yarcaimi tiyarca. Abraham causacui huatacunapi yarcai tiyashca shinami yalli yarcai tiyarca. Chaimantami Isaacca filisteocunata jatun mandac Abimelec causacuc Gerar puebloman rirca.

GÉNESIS 41:25

Shina nicpimi, Joseca Faraontaca: —Can muscushcaca shucllami can. Diosmi can Faraonman imata ruhuagricushcata huillashca.

GÉNESIS 41:32

Diosca ruhuagricushpatacmi can Faraonman ishcai cutin muscuchishca, chaitaca utcami ruhuanga.

GÉNESIS 41:54

Quipaca José huillashca shinallatacmi canchis huata yalli yarcaica tucui llactacunapi callarirca. Ashtahuanpish Egipto llactapica achca granomi tiyarca.

GÉNESIS 47:4

Ñucanchicca Canaán llactapi yalli yarcai tiyacpi, shinallatac ovejacunamanpish micuna mana tiyacpimi, cai llactapi causanata mañac shamurcanchic. Chaimanta canta servic ñucanchictaca Gosén llactapi causachun saquiyari— nishpa mañarcacuna.

2 SAMUEL 21:1

David mandacui punzhapimi quimsa huatata catipi yarcai tiyarca. Chashna cacpimi, Davidca Mandac Diosta tapurca. Chashna tapucpimi Mandac Diosca: «Saulpish, paipac huasi familiapish gabaonitacunata huañuchishpa yahuarta jichashcamantami yallita yarcaica tiyan» nirca.

2 SAMUEL 24:13

Shina nicpimi, Gadca David yachachun huillangapac rishpaca: —¿Canchis huatata yalli yarcai tiyachunchu? ¿Mana cashpaca canta piñaccunamanta quimsa quillata miticushpa ricpi, paicuna catichunchu? ¿Mana cashpaca cambac llactapi quimsa huatata yalli ungüi tiyachunchu munangui? Cunanca ñuca imata nigringapac allita yuyarishpa ni— nirca.

1 REYES 17:1

Eliasca Galaad llacta tisbitapuramantami carca. Paica mandac Acabtaca: «¡Israelcunata Mandac Diospac shutipimi nini: Ñucaca paitami servini! ¡Cai huatacunaca mana tamyangachu paramollapish mana tiyangachu! ¡Ashtahuanpish ñuca mandacllapimi tamyanga!» nirca.

1 REYES 18:2

Shina nicpimi, Eliasca Acabpac ñaupapi ricurigrirca. Samaria pueblopica jatun yarcaimi tiyarca.

2 REYES 4:18

Chai huahua jatunyashpaca, paipac taita, caishuc cosechaccunahuan cosechacucpimi taitata ricungapac rirca.

2 REYES 4:36

Chaimanta Eliseoca Giezitata cayashpaca: «Sunamita huarmita cayai» nirca. Chashna cayacpi, chai huarmi ucuman chayacpimi Eliseoca: «Caica cambac huahua» nirca.

2 REYES 4:38

Eliseoca achca yarcai punzhacunami Gilgal puebloman cutimurca. Dios ima nishcata huillaccunapac churicunapish chaipimi paihuan carca. Chaimantami Eliseoca paita servic runataca: «Dios ima nishcata huillaccunaman carangapac jatun mangapi yanui» nirca.

2 REYES 7:20

Pai nishca shinami chai runaca pueblo yaicunapi gentecuna sarushca huañurca.

2 REYES 8:2

Chaimantami chai huarmica Diospac runa nishca shinallatac paipac familiandi filisteocunapac llactaman rishpa, canchis huatata causarca.

SALMOS 105:16

Paicunapac llactamanca yalli yarcaitami cacharca. Tucui micuna granocunatami chingachirca.

SALMOS 107:34

Alli grano pucuc allpacunatapish, mana pucuc cachi allpatami ruhuan. Chaipi causaccuna millaita ruhuashcamantami chashnaca ruhuan.

JEREMÍAS 25:29

Chaica, ñuca shutita mañac llactataracmi llaquichi callarircani. Cancunaca chai llaquimanta, ¿quishpirishunmi yuyanguichicchu? ¡Cai llaquimantaca mana quishpiri pudinguichicchu! Tucui cai pachapi causaccunatami jatun macanacuita cachashpa llaquichigrini” ninmi. Chaitaca tucuita Mandac Dios ñucami nini.

LEVÍTICO 26:26

Cancunapac micunata ñuca chingachicpica, chunga huarmimi shuc hornollapi tandata cusanga. Shina cusashpaca, cancunamanca pezashpami raquinga. Shina raquicpica, cancuna micushpapish mana micushca shinallatacmi saquiringuichic.

AMÓS 4:6

Ñucami tucui cancunapac llactacunamanta micunata anchuchircani. Chaimantami ima micunapish mana tiyarca. Shina cacpipish, mana ñucapacman cutirircanguichicchu.

HAGEO 1:11

Ñucami cai llactapica mana tamyachircani. Ñucami urcunamanpish, chagramanpish usyai punzhacunata cacharcani. Chaimantami trigopish, vinopish, aceitepish, tarpuna allpapish, gentecunapish, animalcunapish, gentecuna trabajashcacunapish tucui chingachirca» ninmi.

SAN LUCAS 21:11

Maipica, jatun allpa chucchuimi tiyanga. Yalli yarcaipish, ungüicunapish tiyangami. Jahua cielopica, jaicapi mana ricushcacunami ricuringa. Yalli manchaimi tiyanga.

SAN LUCAS 21:22

Chai punzhacunaca, Dios quillcachishca shina llaquichina punzhacunami canga.

SAN LUCAS 4:25

Elías huillacui punzhacunapica, Israel llactapica, achca viuda huarmicunami tiyarca. Chai punzhacunapi quimsa huata, sucta quillata mana tamyacpica, tucui llactacunapimi yarcai tiyarca. Chaica, chashnatacmi carca.

HECHOS 11:28

Agabo shuti runa shayarishpa, Diospac Espíritu yuyaita cucpi, tucui llactacunapi ima mana pucucpi yarcai tiyanamanta huillarca. Chaica, jatun mandac Claudio mandacui punzhacunapimi, chashna tucurca.

RUT 1:1

Juezcuna mandacuc punzhacunapimi, Israel llactapica yallita yarcai tiyarca. Chaimantami Judá llactapi cac Belén pueblomanta shuc runaca paipac huarmindi, ishcai churicunandi Moab llactapi causangapac rirca.