2 REYES 7:7 - Dios Rimashcata Quillcashcami

⁷ Chaimantami amsayanata jatarishpa, paicunapac carpa huasicunatapish, caballocunatapish, burrocunatapish chai pambapi ima shina cashca shinallatac shitashpa mana huañungapac callparcacuna.

2 REYES 7:7 ပူးပေါင်းရင်းမြစ်များ

1 REYES 10:29

Egiptomantaca shuc carretallatami sucta patsac siclos cullquipi randishpa apamuccuna carca. Caballocunataca patsac pichca chunga siclos cullquipimi randiccuna carca. Salomonpac runacunallatacmi heteocunata jatun mandaccunamanpish, Siria llactata jatun mandaccunamanpish catuccuna carca.

1 REYES 20:20

Paicunahuan macanacungapac shamuccunataca huañuchishpami catirca. Siriocunaca miticushpami callparca. Cutin israelcunaca catishpami llaquichirca. Siria llactata jatun mandac Ben-adadca caballopi montashpami maijan soldadocunandi callpashpa miticugrirca.

JOB 18:11

Tucui ladomantami llaquicuna shamushpa manchachinga. Chaqui talonpi saruc shinami yallita manchachishpa catinga.

SALMOS 33:17

Caballocunata charishcapish yangallami. Chai caballocuna manchana fuerzata charicpipish mana mishai pudinchu.

SALMOS 68:12

«¡Jatun mandaccunami paicunapac soldadocunandi callpacun!» nircacuna. Cutin huasipica huarmicunami macanacuipi quichushcata chaupinacurca.

PROVERBIOS 21:1

Jatun mandacpac shungu Mandac Diospac maquipica callpacuc yacu shinami. Diosmi pai munashcata ruhuachin.

PROVERBIOS 28:1

Diosta mana manchac runaca pipish mana caticucpimi miticushpa callpan. Ashtahuanpish cashcata ruhuac runaca león shinami imatapish mana manchan.

PROVERBIOS 6:5

Shinallatac tarugata huañuchicpac maquimanta cachariric shina, utca cachariri. Linchimanta urpi llucshishpa ric shina utca cachariri.

ISAÍAS 2:20

Chai punzhapimi runacunaca paicunallatac adorangapac cullquimanta, curimanta ruhuashca dioscunataca ucuchacuna, mashucuna causachun shitanga.

HEBREOS 6:18

Dios paipac shutipi cusha nishcamanta, cashcata nic cashcamantaca, cushicushpa shuyashpa, pai huacaichichun munaccunaca cushicuitami japishcanchic.

JUECES 7:21

Israelcunaca carpa huasicuna muyundipimi maimanpish mana rishpa shayacurcacuna. Chaita ricushpami, madianitacunaca manchaihuan caparishpa callparcacuna.

1 SAMUEL 14:15

Chaimantami carpa huasicunapi caccunapish, pambapi caccunapish tucui gentecuna yallita mancharirca. Cuidac soldadocunapish, cungailla yaicushpa macac soldadocunapish munaimi mancharirca. Allpapish chucchurcami. Chaimantami yallita mancharishpa imatapish mana ruhuai pudircacuna.