2 REYES 6:8 - Dios Rimashcata Quillcashcami

⁸ Siria llactata jatun mandacca israelcunahuanmi macanacucurca. Chaipimi paita servic soldadocunahuan tandanacushpaca: «Ñuca carpa huasicunaca cai pushtupi, chai pushtupimi canga» nirca.

2 REYES 6:8 ပူးပေါင်းရင်းမြစ်များ

1 REYES 20:1

Siria llactata jatun mandac Ben-adadca tucui paipac soldadocunata tandachishpami, quimsa chunga ishcai jatun mandaccunata paicunapac caballocunandi, carretacunandi tandachirca. Chashna tandachishpaca, Samaria puebloman huichai rishpami, chai pueblopi causaccunahuan macanacungapac muyushpa shayarirca.

1 REYES 20:23

Siria llactata jatun mandacta serviccunaca: —Israelpac dioscunaca, urcucunapi causac dioscunamari. Chaimantami ñucanchic-huan macanacushpa atirca. Ashtahuanpish pugru pambapi macanacushpaca atinchicmi.

1 REYES 20:34

Chaipimi Ben-adadca: —Ñuca taita, cambac taitamanta quichushca pueblocunataca canmanmi cutichigrini. Samaria pueblopi ñuca taita catuna plazacunata churashca shinallatac, canpish Damasco pueblopi catunacunata churailla— nirca. Shina nicpimi Acabca: —Chaita ruhuasha nishcamantami ñucapish cantaca richun saquigrini— nirca. Chaita pactachingapac paihuan ari nishcamantaca richun saquircallami.

1 REYES 22:1

Siria llactahuan, Israel llactahuanca quimsa huatatami mana macanacurca.

1 REYES 22:31

Shina cacpimi, Siria llactata jatun mandacca macanacuna carretapi puric soldadocunata mandac quimsa chunga ishcai soldadocunataca: «Cancunaca uchillahuanpish, jatunhuanpish ama macanacunguichicchu. Ashtahuanpish Israel llactata jatun mandacllahuan macanacunguichic» nirca.

2 REYES 6:24

Chai quipami, Siria llactata jatun mandac Ben-adadca tucui paipac soldadocunata tandachishpa, huichai shamushpa Samaria pueblota tucui muyurca.

2 REYES 6:7

Chashna huambuchishpami paica: —Hachata japi— nirca. Shina nicpimi, chai runaca hachata japirca.

2 REYES 6:9

Chaimantami Diospac runaca Israel llactata jatun mandactaca: «Riqui, Siria soldadocunaca chai pushtutami pasagricun. Chaimanta ama chai pushtuta pasanguichicchu» nichun huillaccunata cacharca.

PROVERBIOS 20:18

Ima ruhuanata yuyarishcaca cunashcahuanmi alli llucshin. Jatun macanacuitaca allita yuyarishpami ruhuana can.

PROVERBIOS 21:30

Alli yachaipish, ima yuyaipish, ima cunashcapish Mandac Diostaca mana ati pudinchu.

ISAÍAS 8:10

Diosca ñucanchic-huanmi. Chaimanta imata yuyarishcaca yangallami canga. Imata ruhuasha nishcapish mana pactangachu» nirca.