2 REYES 6:6 - Dios Rimashcata Quillcashcami

⁶ Shina caparicpimi, Diospac runaca: —¿Maipitac urmarca?— nishpa tapurca. Shina tapucpica ricuchircami. Shina ricuchicpimi, Eliseoca shuc caspita pitishpa, hacha urmashca pushtupi shitashpa, hachata huambuchirca.

2 REYES 6:6 ပူးပေါင်းရင်းမြစ်များ

2 REYES 2:21

Chaitami Eliseoca yacu junduman apashpa, chaipi cachita shitashpaca: —Mandac Diosca: “Ñucami cai yacuta allichircani. Chaimanta cai yacupica huañuipish, ungüipish mana ashtahuan tiyangachu” ninmi— nirca.

2 REYES 4:41

Shina caparicpimi, Eliseoca: «Harinata apamuichic» nirca. Chai harinata mangapi churashpaca: «Gentecuna micuchun carailla» nirca. Gentecunaca micurcami, ima mapapish ña mana tiyarcachu.

2 REYES 6:5

Chashna piticushpami shuc runaca hachata yacupi urmachirca. Chaimantami chai runaca Eliseotaca: —¡Ñuca amolla! ¡Hachaca mañashcallami carca!— nishpa caparirca.

2 REYES 6:7

Chashna huambuchishpami paica: —Hachata japi— nirca. Shina nicpimi, chai runaca hachata japirca.

ÉXODO 15:25

Chaimantami Moisesca Mandac Diosta caparishpa mañarca. Shina mañacpica, Mandac Diosca shuc yuratami ricuchirca. Moisés chai yurata yacupi shitacpica, yacuca mishquiyarcami. Chaipimi Mandac Diosca pai mandashcacunatapish, quillcashcacunatapish curca. Shinallatac cazucta, mana cazuctapish ricurcami.