2 REYES 6:27 - Dios Rimashcata Quillcashcami

²⁷ Shina caparicpi jatun mandacca: —Mandac Diospish llaquishpa mana ayudacpica, ¿ñucacarin ima shinatac ayudashayari? ¿Trillana eramanta, mana cashpaca, uvas cutanamantachu cusha?— nirca.

2 REYES 6:27 ပူးပေါင်းရင်းမြစ်များ

GÉNESIS 50:10

Jordán yacu chimba ladopi cac Atad nishca trillana pambaman chayashpaca tucuilla tandanacushpami, llaquilla huacarca. Joseca paipac taita huañushcamantami canchis punzhacaman churashca llaquilla carca.

2 REYES 6:26

Shuc punzhami Israel llactata jatun mandacca jatun pirca jahuata puricurca. Chaita shuc huarmi ricushpaca: —¡Ñuca amo jatun mandaclla, llaquishpa ayudaiyari!— nishpa caparirca.

2 REYES 6:28

Shinallatac jatun mandac cutin rimashpaca: —¿Imatac tucunguiyari?— nirca. Shina nicpi, chai huarmica: —Cai huarmica ñucataca: “Cambac huahuata cunan micungapac apamui. Ñuca huahuataca caya micushunllami” nirca.

SALMOS 127:1

Mandac Dios mana huasichicpica, yangallami huasichic runacunaca huasichincuna. Mandac Dios pueblota mana cuidacpica, yangallami cuidaccunaca cuidancuna.

SALMOS 146:3

Mandaccunapipish, huañuclla runapipish ama shunguta churaichicchu. Paicunaca mana quishpichi pudinchu.

SALMOS 60:11

Gentecuna ayudashcaca yangallami. Ñucanchicta piñaccunata mishangapac ayudaiyari.

SALMOS 62:8

Pai acllashcacunalla, tucui punzhacuna paillata shuyaichic. Diosmi ñucanchic miticunami. Chaimanta tucui shunguhuan paipac ñaupapi mañaichic.

ISAÍAS 2:2

Tucuri punzhacunapica Mandac Diospac huasipi tiyac urcuca caishuc urcucunapac uma shina cangapacmi sinchiyachishca canga. Tucui urcucunata yalli jatunmi canga. Chai urcumanmi tucui llactacuna shamunga.

JEREMÍAS 17:5

Mandac Diosca: «Ñucamanta anchurishpa, huañuclla runapi shunguta churashpa causacca llaqui tucungatacmi. Paipac shungupish ñucamanta anchuricunmi.