2 REYES 6:25 - Dios Rimashcata Quillcashcami

²⁵ Chashna muyunacushpa shayacucpimi, Samaria pueblopica achca yarcai callarirca. Shuc burro umataca pusac chunga siclos cullquipi, chaupi libra paloma huanutaca pichca siclos cullquipimi catuc carca.

2 REYES 6:25 ပူးပေါင်းရင်းမြစ်များ

GÉNESIS 41:55

Tucui Egipto llactapi causaccunata yarcai japicpica, Faraonmanmi micunata cui ningapac rircacuna. Shina ricpimi, Faraonca tucui Egiptopi causaccunataca: «Josepacman rishpa, pai ima nishcata ruhuaichic» nirca.

1 REYES 18:2

Shina nicpimi, Eliasca Acabpac ñaupapi ricurigrirca. Samaria pueblopica jatun yarcaimi tiyarca.

2 REYES 25:3

Chai huata callari chuscu quilla iscun punzha tucucpimi, Jerusalenpi causaccunaca imata mana micui pudishpa yallita yarcaihuan carca.

2 REYES 6:26

Shuc punzhami Israel llactata jatun mandacca jatun pirca jahuata puricurca. Chaita shuc huarmi ricushpaca: —¡Ñuca amo jatun mandaclla, llaquishpa ayudaiyari!— nishpa caparirca.

2 REYES 7:12

Chashna huillacpimi, jatun mandacca tuta jatarishpa, paita serviccunataca: —Siriocuna ñucanchicta imata ruhuagricushcatami huillagrini. Ñucanchic yarcaihuan cacta yachashpami paicunaca: “Pueblomanta llucshicpica, causacta prezushpami puebloman yaicushun” yuyashpami, paicunapac carpa huasicunamanta llucshishpa, miticungapac rishcacuna— nirca.

2 REYES 7:4

Cai puebloman yaicushpaca, yallita yarcai tiyashcamanta huañushunmi. Cutin caipi saquirishpapish huañushunllatacmi. Cunanca, siriocunapac carpacunaman rishunchic. Paicuna mana huañuchicpica, causashunmi, cutin huañuchicpica huañushunchari— nirca.

JEREMÍAS 14:18

Pambaman llucshishpaca, jatun macanacuipi huañuchishcacunata, llactaman yaicushpaca, yarcaihuan ungushcacunatami ricuni. Diosmanta huillaccunapish, curacunapish paicuna mana ricsishca llactapimi puricurca” ningui» nirca.

JEREMÍAS 32:24

Riquichic, caldeocunaca cai llactata japingapacmi ariete nishcacunahuan shamushca. Cai llactaca yarcaihuan, ungüihuan llaquipi cashcamantami paicunahuan macanacuc shamuc caldeocunapac maquipi yaicugrin. Cai huillashcacunaca ñami pactacun. Chaitaca can Diosllatacmi ricucungui.

JEREMÍAS 52:6

Chai huata chuscu quilla, iscun punzhapimi Jerusalenpica yalli yarcai tiyarca. Chaimantami chai llactapi causaccunaca micuna illac carca.

EZEQUIEL 4:17

Micunapish, yacupish tucuricpica, mancharishpami caishuc chaishuc ñahuipura ricunacunga. Paicunallatac juchata ruhuashcamantami ismushpa tucuringa.

LEVÍTICO 26:26

Cancunapac micunata ñuca chingachicpica, chunga huarmimi shuc hornollapi tandata cusanga. Shina cusashpaca, cancunamanca pezashpami raquinga. Shina raquicpica, cancuna micushpapish mana micushca shinallatacmi saquiringuichic.