2 REYES 6:24 - Dios Rimashcata Quillcashcami

²⁴ Chai quipami, Siria llactata jatun mandac Ben-adadca tucui paipac soldadocunata tandachishpa, huichai shamushpa Samaria pueblota tucui muyurca.

2 REYES 6:24 ပူးပေါင်းရင်းမြစ်များ

1 REYES 20:1

Siria llactata jatun mandac Ben-adadca tucui paipac soldadocunata tandachishpami, quimsa chunga ishcai jatun mandaccunata paicunapac caballocunandi, carretacunandi tandachirca. Chashna tandachishpaca, Samaria puebloman huichai rishpami, chai pueblopi causaccunahuan macanacungapac muyushpa shayarirca.

1 REYES 22:31

Shina cacpimi, Siria llactata jatun mandacca macanacuna carretapi puric soldadocunata mandac quimsa chunga ishcai soldadocunataca: «Cancunaca uchillahuanpish, jatunhuanpish ama macanacunguichicchu. Ashtahuanpish Israel llactata jatun mandacllahuan macanacunguichic» nirca.

2 REYES 17:5

Asiria llactata jatun mandacca tucui llactaman yaicushpami, Samaria pueblota muyushpa, quimsa huatacaman causarca.

2 REYES 18:9

Judá llactata jatun mandac Ezequías chuscu huatata mandacucpimi, Elapac churi Oseasca canchis huatata Israel llactata mandacurca. Chai huatapimi Asiria llactata jatun mandac Salmanasarca Samaria puebloman shamushpa, chai pueblota muyurca.

2 REYES 25:1

Sedequías Judá llactata iscun huata chunga quilla chunga punzhata mandacucpimi, jatun mandac Nabucodonosorca paipac tucui soldadocunahuan Jerusalenman shamurca. Chashna shamushpaca, tucui pueblo muyunditami torrecunata macanacungapac shayachirca.

2 REYES 25:3

Chai huata callari chuscu quilla iscun punzha tucucpimi, Jerusalenpi causaccunaca imata mana micui pudishpa yallita yarcaihuan carca.

2 REYES 6:8

Siria llactata jatun mandacca israelcunahuanmi macanacucurca. Chaipimi paita servic soldadocunahuan tandanacushpaca: «Ñuca carpa huasicunaca cai pushtupi, chai pushtupimi canga» nirca.

2 REYES 7:4

Cai puebloman yaicushpaca, yallita yarcai tiyashcamanta huañushunmi. Cutin caipi saquirishpapish huañushunllatacmi. Cunanca, siriocunapac carpacunaman rishunchic. Paicuna mana huañuchicpica, causashunmi, cutin huañuchicpica huañushunchari— nirca.

2 REYES 8:7

Chai quipami Eliseoca Damasco puebloman rirca. Chaipica Siria llactata jatun mandac Ben-hadadmi ungushca carca. Chaimantami jatun mandactaca: «Diospac runami caiman shamushca» nishpa huillarca.

ECLESIASTÉS 9:14

Ashalla gentecuna causana shuc uchilla pueblomi tiyarca. Chai pueblopi causaccunahuan macanacungapacmi alli sinchi shuc jatun mandac shamurca. Chai pueblota muyushpami jatun torrecunata shayachirca.

AMÓS 1:4

Hazaelpac huasipica ninatami churasha. Chai ninami jatun mandac Ben-hadad mandashpa tiyana huasitapish tucui rupachinga.

DEUTERONOMIO 28:52

Chai gentecunaca tucui cancuna causana llactacunata jarcachishca jatun pircacuna, tucui urmangacamanmi muyunacunga. Chai jarcachishca pircacunahuanca cushillami carcanguichic. Mandac Dios cushca tucui cancunapac llactacunatapish, llactacunatapishmi muyunacushpa shayacunga.