2 REYES 6:20 - Dios Rimashcata Quillcashcami

²⁰ Ña chai puebloman chayacpi Eliseoca: «Mandac Dioslla, paicuna ricuchun paicunapac ñahuita pascai» nirca. Shina nicpimi, Mandac Diosca paicunapac ñahuita pascarca. Shina pascacpica, paicunaca Samaria pueblo chaupipi shayacushcatami ricurca.

2 REYES 6:20 ပူးပေါင်းရင်းမြစ်များ

2 REYES 6:17

Chaimanta Eliseo Diosta mañashpaca: «Mandac Dioslla, pai ricuchun paipac ñahuita pascaiyari» nishpa mañarca. Chashna mañacpimi, Mandac Diosca chai servicpac ñahuita pascarca. Chashna pascacpimi, paica Eliseopac muyundipi caballocunapi ric gentecuna nina japirishca carretacuna chai loma junda shayacucta ricurca.

2 REYES 6:19

Chai quipami, Eliseoca chai gentecunataca: «Mana cai ñanchu. Caica mana cancuna mashcacushca pueblochu. Ñucata catichic. Ñucami cancuna mashcacushca runapacman pushasha» nirca. Shina nishpami, Samaria puebloman pusharca.

NÚMEROS 22:31

Mandac Dios Balaamta ñahuita pascac shina ruhuacpimi, Balaamca Mandac Diospac ángel espadata maquipi apashpa, ñanpi shayacucta ricurca. Shina ricushpami Balaamca paipac ñaupapi pambaman cumurirca.

SAN LUCAS 16:23

Chai chayuc runaca ucu pachapi llaqui nanaihuan cashpami, huichailla ricushpaca Abrahamtapish, paipac ladopi Lazarotapish ricurca.

SAN LUCAS 24:31

Chai rato ñahuicuna pascaricpimi, Jesusta ricsircacuna. Chashna ricsicpica, Jesusca chingarircami.