2 REYES 6:19 - Dios Rimashcata Quillcashcami

¹⁹ Chai quipami, Eliseoca chai gentecunataca: «Mana cai ñanchu. Caica mana cancuna mashcacushca pueblochu. Ñucata catichic. Ñucami cancuna mashcacushca runapacman pushasha» nirca. Shina nishpami, Samaria puebloman pusharca.

2 REYES 6:19 ပူးပေါင်းရင်းမြစ်များ

2 REYES 6:18

Siria llactamanta soldadocuna ña uraiman shamui callaricpimi, Eliseoca Mandac Diostaca: «Cai gentecunata ñahui mana ricucta ruhuashpa llaquichi» nishpa mañarca. Eliseo mañashca shinallatacmi, ñahui mana ricucta ruhuashpa llaquichirca.

2 REYES 6:20

Ña chai puebloman chayacpi Eliseoca: «Mandac Dioslla, paicuna ricuchun paicunapac ñahuita pascai» nirca. Shina nicpimi, Mandac Diosca paicunapac ñahuita pascarca. Shina pascacpica, paicunaca Samaria pueblo chaupipi shayacushcatami ricurca.

SAN MATEO 16:24

Chaimanta Jesús paipac yachacuccunataca: —Maijanpish ñucata catisha nishpaca, quiquin causaita mana llaquishpa, cruzta apac shina llaquita apana cashpapish, ñucata catichun.

MARCOS 8:34

Jesusca paipac yachacuccunatapish, caishuc gentecunatapish cayashpaca: —Maijanpish ñucata catisha nishpaca, quiquin causaita mana llaquishpa, cruzpi huañuna shina llaquita apana cashpapish, ñucataca catichunlla.

SAN LUCAS 24:16

Ashtahuanpish paicunapac ñahui pacashca shina cacpimi, Jesustaca mana ricsirca.

SAN LUCAS 9:23

Chaipi caccunataca: —Maijanpish ñucata catisha nishpaca, quiquin causaita mana llaquinachu can. Cruzpi chacatashca huañuna shina llaquita apana cashpapish, ñucata punzhanta catichunlla.