2 REYES 6:18 - Dios Rimashcata Quillcashcami

¹⁸ Siria llactamanta soldadocuna ña uraiman shamui callaricpimi, Eliseoca Mandac Diostaca: «Cai gentecunata ñahui mana ricucta ruhuashpa llaquichi» nishpa mañarca. Eliseo mañashca shinallatacmi, ñahui mana ricucta ruhuashpa llaquichirca.

2 REYES 6:18 ပူးပေါင်းရင်းမြစ်များ

GÉNESIS 19:11

Huasi pungupi cac gentecunataca huambracunamanta callarishpa, yuyaccunacamanmi mana ricucta ruhuarca. Chaimantami chai gentecunaca punguta mashcacushpalla shaicurcacuna.

2 REYES 6:19

Chai quipami, Eliseoca chai gentecunataca: «Mana cai ñanchu. Caica mana cancuna mashcacushca pueblochu. Ñucata catichic. Ñucami cancuna mashcacushca runapacman pushasha» nirca. Shina nishpami, Samaria puebloman pusharca.

JOB 5:14

Paicunaca punzha pachami purapi shina huactarincuna. Chaupi punzhapimi tutapi shina mitcarishpa purincuna.

OSEAS 1:7

Ashtahuanpish Judá llactapi causaccunataca Mandac Dios ñucallatacmi llaquishpa quishpichisha. Ashtahuanpish mana arcohuan, mana jatun macanacuihuan, mana caballopi ric soldadocunahuanchu quishpichisha» nirca.

ZACARÍAS 12:4

Chai punzhapica tucui caballocunata yallita manchachishpami, caballopi ric soldadocunaca loco shinata ruhuasha. Ñucaca Judá llactapi causaccunataca cuidashami. Tucui shuctac llacta caballocunataca ñahui mana ricuctami ruhuasha.

SAN JUAN 12:40

«Paicunapac ñahuita huichcarcami. Paicunapac shungutapish sinchiyachircami. Ñahuicunahuan ama ricuchun, paicunapac shungu ama yuyaita japichunmi cashna ruhuarca. Chaimantami ñucapacman mana cutimunga. Paicunataca mana alliyachishachu» nishcami.

SAN JUAN 9:39

Chashna nicpimi Jesusca: —Ñucaca taripangapacmi cai pachaman shamurcani. Ñahui mana ricuccunata alliyachingapac, cutin ricuccunataca ñahui mana ricucta ruhuangapacmi shamurcani— nirca.

HECHOS 13:11

Cunanca Mandac Dios llaquichicpimi, mana ricuc saquiringui. Tauca punzhacunacamanmi, inti achicyachishcatapish mana ricungui— nirca. Chashna nicpimi, brujopac ñahui amsayacpi, mana ricui pudishpa, maquimanta maijan aisachun mashcarca.

ROMANOS 11:7

Shinashpaca, ¿imatatac nishun? Israelcunaca paicuna mashcacushcataca mana japircachu. Ashtahuanpish Dios acllashcacunallami japirca. Shuccunaca rumi shungumi tucurca.

DEUTERONOMIO 28:28

Mandac Diosca muspachishpa, ñahui mana ricucta ruhuashpa, yuyaicunata chingachishpami llaquichinga.