2 REYES 6:15 - Dios Rimashcata Quillcashcami

¹⁵ Diospac runata servic runa tutamanta llucshingapac utca jatarishpaca, chai tucui soldadocunapish, caballopi, carretapi cac tucui soldadocunapish, chai pueblota tucui muyunacushpa shayacuctami ricurca. Chaita ricushpami, chai servicca: —¡Aij, ñuca amolla! ¿Imatatac ruhuashunyari?— nirca.

2 REYES 6:15 ပူးပေါင်းရင်းမြစ်များ

1 REYES 19:21

Shina nicpimi, Eliseo rishpaca huagracunata huañuchishpa, armata yantata ruhuashpa aichata cusashpa gentecunaman cararca. Chai quipaca, Eliasta catishpa rishpami paita servirca.

2 REYES 3:11

Shina nicpimi Josafatca: —Mandac Diosman tapungapacca ¿Manachu pai ima nishcata huillac caipica tiyan?— nishpa tapurca. Shina nicpimi, Israel llactata jatun mandacpac servicpuramanta shucca: —Safatpac churi Eliseomi caipi causan. Paica Eliasta servicmi carca— nirca.

2 REYES 5:20

Diospac runa Eliseota servic Giezica: «Riqui, ñucata mandacca Siria llactamanta Naamán carangapac apamushcata mana japishpami, alli shungu tucushca. ¡Mandac Diospac shutipimi nini: Cunanllatami Naamán cushcata chasquingapac paita catishpa callpasha!» nishpa yuyarca.

2 REYES 5:27

Can chashna ruhuashcamantaca Naamanpac lepra ungüica canpi llutaric shinami cantapish, cambac huahuacunatapish huiñaita llaquichinga— nirca. Shina nicpi, lepra ungüi japicpi, chai runapac aichaca rasu shina yuranlla tucushpa, Eliseopac ñaupamanta llucshirca.

2 REYES 6:14

Shina huillacpimi, chai jatun mandacca caballocunapi, carretacunapi soldadocunata, shinallatac chaquillahuan puric achca soldadocunata chai puebloman cacharca. Paicunaca tuta chayashpami, chai pueblotaca tucui muyunacushpa chaparcacuna.

2 REYES 6:16

Shina nicpimi Eliseoca: —Ñucanchic-huan caccunami paicunahuan cacta atishpa ashtahuan achcacuna. Chaimanta ama manchaichu— nirca.

2 REYES 6:5

Chashna piticushpami shuc runaca hachata yacupi urmachirca. Chaimantami chai runaca Eliseotaca: —¡Ñuca amolla! ¡Hachaca mañashcallami carca!— nishpa caparirca.

2 CRÓNICAS 20:12

Ñucanchic Mandac Dioslla, paicuna chashna ruhuashcamanta llaquichiyari. Ñucanchic-huan macanacungapac shamuc achca gentecunahuan shayaringapacca mana fuerzata charinchicchu. Ima ruhuanatapish mana yachanchicchu, ashtahuanpish canllatami chaparacunchic» nirca.

SALMOS 53:5

Chai gentecunaca Dios paita piñaccunapac tullucunata chirapashcamantami mana pi manchachicucpipish yallita manchaihuan chucchuncuna. Dios shitashcamantami canca pingaichircangui.

ÉXODO 24:13

Chashna nicpimi, Moisesca paita ayudac Josuehuan Diospac urcuman huichai rirca.

SAN MATEO 8:26

Chaimanta Jesús riccharishpaca: —Mana tucui shunguhuan criccunalla, ¿ima nishpatac yallita mancharicunguichic?— nirca. Chaimantami Jesusca jatarishpa yacutapish cuchatapish rimarca. Shina rimacpica, huairapish, cuchapish casilla tucurcami.

HECHOS 13:5

Salamina puebloman chayashpaca, israelcuna tandanacuna huasicunapimi Diosmanta alli huillaita huillarcacuna. Marcos nishca Juanmi paicunata ayudashpa purirca.