2 REYES 6:14 - Dios Rimashcata Quillcashcami

¹⁴ Shina huillacpimi, chai jatun mandacca caballocunapi, carretacunapi soldadocunata, shinallatac chaquillahuan puric achca soldadocunata chai puebloman cacharca. Paicunaca tuta chayashpami, chai pueblotaca tucui muyunacushpa chaparcacuna.

2 REYES 6:14 ပူးပေါင်းရင်းမြစ်များ

2 REYES 18:17

Chai quipami Asiria llactata jatun mandacca Tartán, Rabsaris shinallatac Rabsaces quimsa mandaccunata achca soldadocunahuan Jerusalenpi jatun mandac Ezequias-huan macanacuchun Laquis pueblomanta cacharca. Jerusalenman huichai shamushpaca, jahua ladopi tiyac tanqueman shamucuc yacu patapimi carpa huasicunata shayachishpa tiyarircacuna. Chaica tacshaccunapac pambaman rina ñanpimi carca.

2 REYES 6:13

Shina nicpi, jatun mandacca: —Ñuca chai runata prezuchun cachangapac, chai runa maipi cashcata ricungapac ri— nirca. Shina nicpica: —Riqui, paica Dotán pueblopimi causan— nishpa huillarca.

2 REYES 6:15

Diospac runata servic runa tutamanta llucshingapac utca jatarishpaca, chai tucui soldadocunapish, caballopi, carretapi cac tucui soldadocunapish, chai pueblota tucui muyunacushpa shayacuctami ricurca. Chaita ricushpami, chai servicca: —¡Aij, ñuca amolla! ¿Imatatac ruhuashunyari?— nirca.

SAN MATEO 26:47

Jesús chashna nicucpiracmi, chunga ishcai yachacuccunapuramanta Judasca, tauca runacunahuan shamurca. Chai runacunaca curacunata mandac curacunapish, cunac yuyaccunapish cachacpimi espadacunahuan, caspicunahuan shamurcacuna.

SAN MATEO 26:55

Shinallatac Jesusca paita japiccunataca: —¿Shuhuacta shinachu espadacunahuan, caspicunahuan japingapac, shamunguichic? Punzhantami Diosta mañana huasipi yachachishpa cancunahuan carcani. Chaipica mana japircanguichicchu.

SAN LUCAS 21:20

Jerusalén pueblota soldadocuna muyunacushpa shayacucta ricushpaca, tucui chingachishca cashca shinata yachanguichic.

1 SAMUEL 23:26

Saulca shuc lado urcuta ricpica, Davidca paipac runacunandimi caishuc lado urcuta miticungapac callpashpa rircacuna. Ashtahuanpish Saulca paipac soldadocunahuanmi Davidtaca paipac runacunandi japingapac muyunacugrirca.

1 SAMUEL 24:2

Shina huillacpimi, Saulca tucui israelpuramanta quimsa huaranga acllashca runacunata pushashpa Davidtapish, paipac runacunatapish mashcangapac rirca. Chashna rishpaca sacha chivocuna sirina rumi quingraicunapimi mashcagrirca.