2 REYES 6:13 - Dios Rimashcata Quillcashcami

¹³ Shina nicpi, jatun mandacca: —Ñuca chai runata prezuchun cachangapac, chai runa maipi cashcata ricungapac ri— nirca. Shina nicpica: —Riqui, paica Dotán pueblopimi causan— nishpa huillarca.

2 REYES 6:13 ပူးပေါင်းရင်းမြစ်များ

GÉNESIS 37:17

Chashna nicpimi, chai runaca: —Caimanta ñami rirca. Ñucaca paicuna: “Dotanman jacuchic” ninacuctami uyarcani— nirca. Chashna nicpimi, Joseca huauquicunata catishpa, Dotán ladopi huauquicunahuan tuparca.

2 REYES 1:9

Chai quipami Ocoziasca pichca chunga soldadocunata paicunata mandac-huan Eliaspacman cacharca. Paicuna chayacpica, Eliasca urcu jahuapimi tiyacushca carca. Chaipimi soldadocunata mandacca: —Diospac runalla, jatun mandacca: “Canta urai shamuchun” ninmi— nirca.

2 REYES 6:12

Shina nicpi, servicpuramanta shucca: —Jatun mandac, ñuca amolla, pipish mana huillashcanchicchu. Ashtahuanpish, Dios ima nishcata huillac Israel llactapi causac Eliseomi Israel llactata jatun mandacman huillan. Can sueñuna ucupi imata pacalla parlanacushcatapish tucuimi huillan— nirca.

2 REYES 6:14

Shina huillacpimi, chai jatun mandacca caballocunapi, carretacunapi soldadocunata, shinallatac chaquillahuan puric achca soldadocunata chai puebloman cacharca. Paicunaca tuta chayashpami, chai pueblotaca tucui muyunacushpa chaparcacuna.

JEREMÍAS 36:26

Ashtahuanpish jatun mandacca Hamelecpac churi Jerameelta, Azrielpac churi Seraiasta, Abdeelpac churi Selemiastami quillcac Baructa, Dios ima nishcata huillac Jeremiasta prezuchun cacharca. Shina prezungapac ricpipish, Mandac Diosmi paicunataca pacarca.