2 REYES 5:7 - Dios Rimashcata Quillcashcami

⁷ Israel llactata jatun mandac chai quillcata rezashpa, paipac churanata lliquirishpaca: «Cai runaca ñuca lepra ungüimanta allichichunmi cachashca. ¿Ñucaca causaita cungapac, causaita quichungapacca Dioschu cani imatacyari? ¡Riqui, caicunata ruhuachun nishpa cachashpaca, ñucahuan piñanacuitami mashcacun!» nirca.

2 REYES 5:7 ပူးပေါင်းရင်းမြစ်များ

GÉNESIS 30:2

Chashna nicpi, Jacobo piñarishpaca: —Diosmi cantaca mana huahuata chari pudicta ruhuashca. Ñucaca huahuata cungapacca, ¿pitac caniyari?— nirca.

GÉNESIS 37:29

Chai quipami Rubenca chai jutcuman cutishpa, Joseta mana tarishpaca, paipac churanata lliquirirca.

GÉNESIS 50:19

Chashna nicpimi Joseca: —Ama manchaichicchu. Ñuca cancunata llaquichingapacca, ¿Dioschu cani, imtacyari?

2 SAMUEL 1:11

Chaimantami Davidca munai llaquirishpa, paipac churanata lliquicpi, paihuan cac gentecunapish chashnallatacmi ruhuarca.

1 REYES 20:7

Shina nicpimi, Israel llactata jatun mandac chai llactata mandac yuyaccunata cayashpaca: —Riqui, cai runaca ñucata llaquichinatami mashcacun. Chaitaca cancunallatac alli ricuichic. Ñuca huarmicunata, huahuacunata, ñuca charishca cullquita, curita cuchun nishpa ñucapacman cachacpica, mana jarcarishpami, chaitaca cushallami nircani— nirca.

2 REYES 11:14

Chaiman yaicushpami, jatun mandactaca ima shina shayarina cashca shinallatac, pilar ladopi shayacucta ricurca. Shinallatac mandaccunapish, trompetapi tocaccunapish jatun mandacpac ladopi shayacurca. Chai llactapi causaccunapish trompetapi tocashpa, yallita cushicucucta ricushpami, Ataliaca paipac churanata lliquirishpaca: «¡Umashcamari! ¡Umashcamari!» nishpa caparirca.

2 REYES 18:37

Chai quipami Hilciaspac churi mayordomo Eliaquimpish, quillcac Sebnapish, Asafpac churi Joapish paicunapac churanata lliquishpa Ezequiaspacman shamurca. Paipacman shamushpami, chai mandac ima nishcata huillarca. Joaca jatun mandacpac randi parlacmi carca.

2 REYES 5:6

Shinallatac Israel llactata jatun mandacman cungapac quillcatapish apashpami rirca. Chai quillcapica: «Cai quillca cambacman chayacpica, ñucata servic Naamanta lepra ungüimanta alliyachichun ñuca cachashcatami yachangui» nicurcami.

JEREMÍAS 36:24

Chai tucui rezashcata uyashpaca jatun mandacpish, paita servic mandaccunapish mana mancharcachu. Paicunapac churanacunallatapish mana lliquircachu.

DANIEL 2:11

Shinallatac can jatun mandac tapushcaca sinchimi. Pipish canman huillacca mana tiyanchu. Caitaca dioscunallami huillai pudin, paicunaca mana runacunahuan causanchu— nirca.

OSEAS 6:1

Israelcunaca: «¡Mandac Diospacman cutiringapac shamuichic! Paica ñucanchictaca ñutuchic shina ruhuashpapish jambingami. Pai chugrichishpapish chai chugrita huatashpa allichingami.

NÚMEROS 14:6

Chaipica chai llactata ricungapac ricpuramanta Nunpac churi Josuepish, Jefonepac churi Calebpish llaquirishpami churanata lliquirishpa,

SAN MATEO 26:65

Shina nicpimi, mandac curaca yallita piñarishpa, paipac churanata lliquishpaca: —¡Cai runaca Diostami piñachishca! ¿Imapactac shuctac huillaccunaman tapushun? ¡Cancunallatacmi Diosta piñachishpa rimashcataca uyashcanguichic!

SAN LUCAS 11:54

Ima mana allita nicpica, juchanchingapacmi chashnaca tapurca.

HECHOS 14:14

Chaimanta Pablopish, Bernabepish yallita llaquirishpa, churanata lliquirishpa, chai gentecunapac chaupiman

DEUTERONOMIO 32:29

¡Yuyaisapa cashpaca entendinmanmi! ¡Ima tucugricushcata yachanmanmi!

DEUTERONOMIO 32:39

Ñucaca shuclla Diosmi cani. Shuctac Diosca mana tiyanchu. Ñucaca huiñaita causac Diosmi cani. Chugrichicpish, allichicpishmi cani. Ñuca maquimantaca pi mana quichungachu.

1 SAMUEL 2:6

Mandac Diosmi huañuitapish causaitapish cun. Paimi Seolmanpish cachan, paillatacmi chaimantapish llucchin.