2 REYES 5:3 - Dios Rimashcata Quillcashcami

³ Chai solterami paita mandac huarmitaca: —¡Dios ima nishcata huillac runaca Samaria llactapimi! ¡Paipacman ñuca amo ricpica, lepra ungüimanta alliyanmanmi!— nirca.

2 REYES 5:3 ပူးပေါင်းရင်းမြစ်များ

2 REYES 5:2

Siriocunami macanacungapac llucshishpa, Israel llactamanta shuc solterata prezu apashca carca. Chai solteraca Naamanpac huarmita servicmi carca.

2 REYES 5:4

Shina nicpi, Naamán paipac amopacman rishpaca: «Israel llactamanta shuc solteraca cashna chashnami» nishca nirca.

2 REYES 5:8

Diospac runa Eliseo, Israel llactata jatun mandac piñarishpa, paipac churanata lliquirishcata yachashpami, jatun mandactaca: «¿Ima nishpatac cambac churanata lliquircangui? ¡Israel llactapi Dios ima nishcata huillac runa tiyashcata yachachunca, chai runata ñucapacman cachai!» nichunmi cacharca.

NÚMEROS 11:29

Shina nicpimi Moisesca: —Ama ñucata llaquichichu. Tucui gentecuna Diosmanta huillaccuna cashpaca allimi canman. Paicunapi Mandac Dios paipac Espirituta churashca cacpica, allimi canga— nirca.

SAN MATEO 11:5

Ñahui mana ricuccuna ricucushcatapish, suchucunapish puricushcatapish, leprahuan ungushcacuna alliyashcatapish, ringri mana uyaccuna uyacushcatapish, huañushcacunata causachishcatapish, huacchacunaman alli huillaita huillashcatapish huillagrichic.

HECHOS 26:29

Chashna nicpimi Pabloca: —¡Diosca, ashallamanta, mana cashpaca achcamanta ñuca shina cric cachunmi munan! ¡Mana canlla, ashtahuanpish tucui caipi uyaccunapish cric cachunmi munani! ¡Ñuca shina cadenahuan huatashca cachunca mana munanichu!— nirca.

1 CORINTIOS 4:8

Ña tucuita charishpaca, chayuccunami canguichic. Chaimantami mana ñucahuan cashpapish, jatun mandaccuna canguichic. ¡Mandaccunata cashpaca, allimari canguichicman! ¡Ñucapish cancunahuan mandaimanmi!