2 REYES 5:27 - Dios Rimashcata Quillcashcami

²⁷ Can chashna ruhuashcamantaca Naamanpac lepra ungüica canpi llutaric shinami cantapish, cambac huahuacunatapish huiñaita llaquichinga— nirca. Shina nicpi, lepra ungüi japicpi, chai runapac aichaca rasu shina yuranlla tucushpa, Eliseopac ñaupamanta llucshirca.

2 REYES 5:27 ပူးပေါင်းရင်းမြစ်များ

2 SAMUEL 3:29

¡Ashtahuanpish chai yahuarmantaca Joabpac, paipac huasi ucupuracunapac jahuapi llaqui urmachun! Joabpac huasi ucupurapica yahuar llucshic ungüipish, lepra ungüipish, suchucunapish, espadahuan huañuchishcacunapish, yarcaipish, jaicapi ama illachun— nirca.

2 REYES 15:5

Mandac Dios jatun mandacta llaquichicpimi, paica huañuna punzhacaman lepra ungüihuan huasipi chicanyachishca causarca. Mandana huasipica jatun mandacpac churi Jotammi gentecunata mandacurca.

2 REYES 5:1

Siria llactata jatun mandacpac soldadocunata mandac Naamanca paipac amopac ñaupapica mai alli nishcami carca. Mandac Diosca Siria llactataca Naamanmantami macanacuita mishachishca carca. Chaimantami paica mai alli nishca carca. Paica alli sinchi runa cashpapish lepra ungüitami charirca.

ÉXODO 20:5

Chaicunapac ñaupapica ama cumuringuichu, ama servinguichu. Ñucaca cancunata Mandac Diosmi cani. Shuctac diosta charichunca manatac munanichu. Taitacuna ñucata piñashpa, millaita ruhuashcamantaca paicunapac huahuacunacaman, nietocunacaman shinallatac bisnietocunacamanmi llaquichisha.

ÉXODO 4:6

Cutinllatac Mandac Diosca: —Cunanca, cambac maquita quinzhupi sati— nirca. Chaipimi paica maquita quinzhupi satirca. Maquita quinzhumanta llucchicpica, sisu ungüihuan rasu shina yurac maquimi llucshirca.

OSEAS 10:13

Cancuna tarpuc shina mana allita ruhuashpaca, mana allitami cosecharcanguichic. Shinallatac imapish pucushcata micuc shinami llullashcanguichic. Cancunaca, cancunapac ruhuashcapi, achca sinchi runacunapimi shunguta churashpa causashcanguichic.

LEVÍTICO 13:10

Curami chai ungushca runataca ricunga. Cuerpo punguillishca cacpi, chaipi millmapish yuracyashca cacpi, shinallatac ucucaman sisushca cacpica, curallatacmi:

LEVÍTICO 13:25

curallatacmi alli ricunga. Sisushca pushtupi millmapish yuracyashca, carapish ucuman sisushca cacpica, lepra ungüimi canga. Lepra ungüita charishcamantami curallatac: “Mapa ungüimi” ninga.

NÚMEROS 12:10

Mandac Dios-huan tupana huasi jahuamanta puyu anchuricpica, Mariaca tucui cuerpomi leprahuan rasu shina yuracyashca saquirirca. Aarón tigrarishpa ricucpica, Mariaca leprahuanmi cashca carca.

HECHOS 5:10

Pedro chashna nincami, chai huarmica chaillapitac huañurca. Cusata enterrac mosocuna ucuman yaicucpica, chai huarmipish huañushcami cashca carca. Chaimantami paitapish, cusa maipi enterrashcallapitac enterrangapac aparcacuna.

HECHOS 5:5

Chaita uyashcahuanmi, Ananiasca chaillapitac huañurca. Tucui chaita uyaccunami yallita mancharirca.

HECHOS 8:20

Chaimantami Pedroca: —¡Can Diospac poderta cullquihuan randisha nishcamantaca, cambac cullquindimi chingarigringui!

1 TIMOTEO 6:10

Yallimana cullquita charina munaica tucuilaya millaicunapimi urmachin. Maijancunaca cullquita charinata yallita munashpami crinatapish saquishpa, tauca llaquicunatapish aparcacuna.

JOSUÉ 7:25

Chaipimi Josueca: —¿Ima nishpatac ñucanchicta chashna llaquipi churarcangui? Cantapish, Mandac Dios cunan punzha llaquichichun— nirca. Chai quipaca, tucui israelcunami rumihuan shitashpa huañuchirca. Shina huañuchishca quipaca tucuimi rupachirca.

2 PEDRO 2:3

Paicunaca cullquita japingaraicumi, cancunamanca yachachishpa chayucyangacuna. Paicunataca ña utcamanta pachami, llaquimanmi ringuichic nishca can. Chai llaquimantaca manatac quishpiringacunachu.