2 REYES 5:25 - Dios Rimashcata Quillcashcami

²⁵ Chashna paicuna ña ricpimi, paica paipac amopac ñaupapi ricurirca. Chaipimi Eliseoca: —Giezica, ¿maimantatac shamungui?— nirca. Shina tapucpi paica: —Canta servic ñucaca maimanpish mana rircanichu— nirca.

2 REYES 5:25 ပူးပေါင်းရင်းမြစ်များ

GÉNESIS 16:8

—Saraita servic Agar, ¿maimantatac shamucungui? ¿Maimantac ricungui?— nirca. Shina nicpimi paica: —Ñuca ama Saraipac ñaupamantami miticushpa ricuni— nirca.

GÉNESIS 4:9

Chaimantami Mandac Diosca Caintaca: —¿Maipitac cambac huauqui Abelca?— nirca. Shina nicpimi Cainca: —Mana yachanichu. ¿Ñucaca ñuca huauquita cuidacchu cani, imatacyari?— nirca.

2 REYES 20:14

Chaimantami Dios ima nishcata huillac Isaías jatun mandac Ezequiaspacman shamushpaca: —¿Cambacman shamuc chai runacunaca imatatac nirca? ¿Maimantatac shamurca?— nishpa tapurca. Shina nicpimi Ezequiasca: —Paicunaca caru llacta Babiloniamantami shamushca— nirca.

2 REYES 5:22

Shina tapucpimi Giezica: —Allillami cani. Shina cacpipish, ñucata mandacmi: “Efraín urcumantami Dios ima nishcata huillaccunapac ishcai churi ñucapacman cunanlla chayamun. Paicunaman carangapacmi shuc talento cullquita, ishcai mushuc churanata cui” nichun cachan— nirca.

2 CRÓNICAS 26:19

Ashtahuanpish paica curacunahuanmi piñarirca. Uziasca inciensota rupachingapacmi, inciensota rupachinata apashpa altar ñaupapi shayacurca. Chaipi shayacucpimi, paipac frentepica lepra ungüi llucshirca.

PROVERBIOS 30:20

Huainayac huarmica micushpa, shimita picharishpaca: «Ima mana allita mana ruhuashcanichu» ninmi.

EZEQUIEL 33:31

Paicunapish ñuca acllashca gentecuna shinami, can rimashcata uyangapac cambac ñaupaman shamun. Shina cashpapish mana pactachincunachu. Chai gentecunaca shimillahuanmi alli nincuna, ashtahuanpish shungupica chayucyana manaihuanmi purin.

SAN MATEO 26:21

Chashna micushpa tiyacushpami Jesusca: —Cancunapuramanta shucmi, ñucataca japichinga. Chaica chashnatacmi canga— nirca.

SAN JUAN 13:2

Jesús manarac paipac yachacuccunahuan micungapac tiyaricpimi, diabloca Simonpac churi Judas Iscariotepac shungupi Jesusta japichina yuyaita churashca carca.

1 SAMUEL 10:14

Chaipimi Saultapish, paita servictapish paipac tioca: —¿Maimantac rircanguichic?— nishpa tapurca. Shina tapucpi Saulca: —Burrocunata mashcangapacmi rircanchic. Mana tariricpimi Samuelpacman chayarcanchic— nirca.