2 REYES 5:20 - Dios Rimashcata Quillcashcami

²⁰ Diospac runa Eliseota servic Giezica: «Riqui, ñucata mandacca Siria llactamanta Naamán carangapac apamushcata mana japishpami, alli shungu tucushca. ¡Mandac Diospac shutipimi nini: Cunanllatami Naamán cushcata chasquingapac paita catishpa callpasha!» nishpa yuyarca.

2 REYES 5:20 ပူးပေါင်းရင်းမြစ်များ

1 REYES 17:1

Eliasca Galaad llacta tisbitapuramantami carca. Paica mandac Acabtaca: «¡Israelcunata Mandac Diospac shutipimi nini: Ñucaca paitami servini! ¡Cai huatacunaca mana tamyangachu paramollapish mana tiyangachu! ¡Ashtahuanpish ñuca mandacllapimi tamyanga!» nirca.

2 REYES 13:19

Chaimanta Diospac runa jatun mandac-huan piñarishpaca: —Pichca cutin, mana cashpaca sucta cutin huactashpaca, Siria llactapica shucllatapish mana saquishpami, tucuchinguiman carca. Ashtahuanpish cunanca, quimsa cutincamanllami mishangui— nirca.

2 REYES 4:12

Chaipi cashpami, paita servic Giezi runataca: —Caipi causac sunamita huarmita cayai— nirca. Chai servic runa cayacpimi, paipac ñaupaman shamurca.

2 REYES 4:25

Chashna utca rishpami, Carmelo urcupi Diospac runapacman chayarca. Diospac runaca chai huarmita carupi ricushpami, paita servic Giezitaca: —Riqui, chaitaca sunamita huarmimi shamucun.

2 REYES 4:31

Shina nicpimi, Eliseoca jatarishpa, chai huarmihuan rirca. Giezica paicunata ñaupashpa rishpami, chai huambrapac ñahui jahuapi taunata churarca. Chashna churacpipish, mana cuyurircachu, mana rimarircachu. Chaimantami Eliseohuan tupangapac cutirca. Chashna cutishpaca: —Huahuaca mana riccharinchu— nirca.

2 REYES 4:36

Chaimanta Eliseoca Giezitata cayashpaca: «Sunamita huarmita cayai» nirca. Chashna cayacpi, chai huarmi ucuman chayacpimi Eliseoca: «Caica cambac huahua» nirca.

2 REYES 5:16

Ashtahuanpish Eliseoca: —¡Ñuca servina, Mandac Diospac shutipimi nini: Canmantaca mana imata japishachu!— nirca. Naamán cutin cutin chasquichun nicucpipish, Eliseoca mana uyarcachu.

2 REYES 5:21

Shina yuyacushpami, Giezica Naamanta catishpa rirca. Shina paita caticta ricushpami, Naamanca tupangapac paipac carretamanta uricushpaca: —¿Ima llaquitac tucungui?— nishpa tapurca.

2 REYES 6:31

Chai quipami jatun mandacca: «¡Safatpac churi Eliseopac umata cunan mana piticpica, Diosllatac yallita llaquichichun!» nirca.

2 REYES 8:4

Chai ratoca Eliseota servic Giezi parlashpami jatun mandacca: «Eliseo ima allicunata ruhuashcata parlai» nishpami mañacurca.

2 REYES 8:7

Chai quipami Eliseoca Damasco puebloman rirca. Chaipica Siria llactata jatun mandac Ben-hadadmi ungushca carca. Chaimantami jatun mandactaca: «Diospac runami caiman shamushca» nishpa huillarca.

SALMOS 10:3

Millaita ruhuacca paipac shungu munashcata ruhuashpami cushicun. Charinallata munactaca alli ninmi, Mandac Diostaca mana ricunayachinchu.

ÉXODO 20:17

Ama shucpac huasita munangui. Shucpac huarmitapish, servicpac huarmitapish, canta servic huarmitapish, shucpac huagratapish, shucpac burrotapish, ima shuctac charishcatapish ama munangui» nishpami mandarca.

ÉXODO 20:7

Mandac Dios ñucapac shutipi ama yanga ari ninguichu. Maijanpish ñuca shutipi yanga ari nicca llaquichishcami canga.

PROVERBIOS 26:16

Quilla runaca paipac shungupica alli yuyaita cuc canchis runacunatapish, yalli ashtahuan yachacmi cani yuyanmi.

ISAÍAS 48:1

Israel shuti, Jacobopac huahuacuna, caita uyaichic. Cancunaca Judapac huahua huahuacunami canguichic. Mandac Diospac shutipi ari nishpapish, israelcunapac Diosta mañashpapish mana ciertota yuyaringuichicchu. Ashtahuanpish jahua shungullami canguichic.

JEREMÍAS 22:17

Shina cacpipish, cambac ñahuipish, cambac shungupish shuccunata llaquichishpa, yallita chayucyanallatami munan. Shinallatac mana faltayuc runata yahuarta jichanallata, llaquichinallata, millaita ruhuanallatami munan. Chaitaca Mandac Dios ñucami nini» ninmi.

HABACUC 2:9

¡Canca ashtahuan charina yuyaihuanmi shuhuashpa huasipi jundachircangui! ¡Llaquimanta miticungapacmi huasitaca pipish mana chayaipac jahua altopi churangui! ¡Aij, imachari tucungui!

SAN MATEO 10:4

Celote nishca Simón, Judas Iscariotemi carca. Paimi quipataca Jesustaca japichirca.

SAN MATEO 26:9

Chaita achca cullquipi catushpa huacchacunaman cunachari, alli canman carca— ninacurca.

SAN LUCAS 12:15

Chaimantami Jesusca: —Charishcacunaca mana causaita cunchu. Chaimanta ama misa tucushpa, ashtahuan chayucyana yuyailla canguichicchu— nirca.

SAN LUCAS 16:8

Amo chaita yachashpaca, chai mana cazuc mayordomotaca ‘allitami ruhuashca’ nirca. Cai pachapaclla caccunaca paicunapura ima allita ruhuangapacca, Diosta caticcunata atishpa alli yuyaiyucmi.

SAN JUAN 13:2

Jesús manarac paipac yachacuccunahuan micungapac tiyaricpimi, diabloca Simonpac churi Judas Iscariotepac shungupi Jesusta japichina yuyaita churashca carca.

SAN JUAN 6:70

Shina nicpimi Jesusca: —¿Manachu cancunataca chunga ishcaita acllarcani? Shina cacpipish, cancunapuramanta shucca diablohuanmi— nirca.

HECHOS 5:2

Chashna catushpami, huarmihuan huillanacushpa, chaupi cullquita saquichishpa, apostolcunaman curca.

2 TIMOTEO 4:10

Demas runaca cai pachapi imalla tiyaccunapi shunguta churashpami, ñucata shitashpa Tesalónica puebloman rirca. Shinallatac Crescenteca Galacia llactaman, cutin Titoca Dalmacia llactamanmi rirca.

TITO 1:7

Maijanpish tandanacushca criccunata pushac cashpaca, Dios mingashcata ruhuac cashcamanta pi mana juchanchishca, mana utca piñaric, mana machac, pihuanpish mana piñanacuc, mana jatun tucushca, cullquita charingaraicu ima mana allita mana ruhuacmi cana can.

1 PEDRO 5:2

Dios cancunaman mingashca criccunataca ovejacunata michic shina, quiquin munaihuan alli ricuraichic. Pi ruhuai nishcallamanta, cullquita japingaraicullapish ama ruhuaichicchu, ashtahuanpish Dios munashca shina, mana quillanayachishpa chaparaichic.

1 SAMUEL 14:39

¡Israelcunata quishpichic Mandac Diospac shutipimi nini: Maijan cashpapish, ñuca churi Jonatán cashpapish, juchata ruhuashca cashpaca huañungatacmi!— nirca. Shina nicpipish, soldadocunaca imata mana nircacunachu.