2 REYES 5:19 - Dios Rimashcata Quillcashcami

¹⁹ Shina nicpimi Eliseoca: —Ama manchaichu, rilla— nishpa cacharca. Naamán paipac ñaupamanta caruyashpa ricpimi,

2 REYES 5:19 ပူးပေါင်းရင်းမြစ်များ

GÉNESIS 35:16

Chai quipaca Bet-el llactamanta Efrata llactaman chayangapac asha tiyacpiracmi, Raqueltaca sajuarina nanai japirca. Shinami sinchi nanaihuan sajuarirca.

ÉXODO 4:18

Moisesca paipac suegro Jetropacman cutishpaca: —Ñuca huauquicunapacmanmi, paicuna causacushcata, mana causacushcata yachangapac Egiptoman cutirigrini— nirca. Shina nicpimi Jetroca: —Allilla ringui— nirca.

MARCOS 5:34

Chaimantami Jesusca: —Huahua, can crishcamantami alliyashcangui. Cunanca, cushicushpa rilla. Ungüimantaca jambirishcanguimi— nirca.

SAN LUCAS 7:50

Chaimantami Jesusca chai huarmitaca: —Can crishcamantaca, ña quishpichishcami cangui. Cunanca cushicushpa rilla— nirca.

SAN LUCAS 8:48

Chashna huillacpimi Jesusca: —Huahua, crishcamantami alliyashcangui. Cushicushpa rilla— nirca.

SAN JUAN 16:12

Cancunaman imata ninata chariniracmi. Shina cacpipish, cunanca mana tucui entendinguichicchu.

1 CORINTIOS 3:2

Cancuna chuchucuc huahuacuna lechellata micuc shina cacpimi yachacuipaclla yachaicunata yachachircani. Cancunaca manarac sinchi micuita micuc shinami canguichic Cunancamanmi, manarac sinchita micuccuna shina canguichic.

1 SAMUEL 1:17

Shina nicpimi Elica: —Cunanca cushicushpa rilla. Israelcunapac Diosca can imata mañashcataca cushca cachun— nirca.

1 SAMUEL 25:35

Shina nishpa Davidca Abigaíl imalla apamushcata japishpaca: —Imatapish mana manchashpa, cambac huasiman rilla. Riqui, can ima nishcatapish uyashpami cazuni— nirca.