2 REYES 5:16 - Dios Rimashcata Quillcashcami

¹⁶ Ashtahuanpish Eliseoca: —¡Ñuca servina, Mandac Diospac shutipimi nini: Canmantaca mana imata japishachu!— nirca. Naamán cutin cutin chasquichun nicucpipish, Eliseoca mana uyarcachu.

2 REYES 5:16 ပူးပေါင်းရင်းမြစ်များ

1 REYES 13:8

Ashtahuanpish Diospaclla runaca jatun mandactaca: —Cambac charishcamanta chaupita cusha nicucpipish, cambac huasimanca mana rishachu. Cai llactapica micunatapish mana micushachu, yacutapish mana ubiashachu.

1 REYES 17:1

Eliasca Galaad llacta tisbitapuramantami carca. Paica mandac Acabtaca: «¡Israelcunata Mandac Diospac shutipimi nini: Ñucaca paitami servini! ¡Cai huatacunaca mana tamyangachu paramollapish mana tiyangachu! ¡Ashtahuanpish ñuca mandacllapimi tamyanga!» nirca.

1 REYES 18:15

Shina nicpimi Eliasca: —¡Tucuita Mandac Diospac shutipimi nini: Ñucaca paitami servini. Cunanmi Acabpac ñaupapi ricurigrini!— nirca.

2 REYES 3:14

Shina nicpimi Eliseoca: —¡Ñuca servicuc tucuita Mandac Diospac shutipimi nini: Judá llactata jatun mandac Josafatta mana cazushpaca, cantaca mana uyaimanchu, ricunatapish mana ricuimanchu!

2 REYES 5:20

Diospac runa Eliseota servic Giezica: «Riqui, ñucata mandacca Siria llactamanta Naamán carangapac apamushcata mana japishpami, alli shungu tucushca. ¡Mandac Diospac shutipimi nini: Cunanllatami Naamán cushcata chasquingapac paita catishpa callpasha!» nishpa yuyarca.

2 REYES 5:26

Shina nicpi, Eliseoca: —Carretamanta uricushpa, chai runa tupangapac shamucpica, ñuca shunguca ¿Manachu canhuan carca? ¿Cullquita, churanacunata, olivos chagracunata, uvas chagracunata, ovejacunata, huagracunata, servic caricunata, servic huarmicunata japina punzhami yuyanguichu?

DANIEL 5:17

Shina nicpimi, jatun mandactaca: —Cambac carashcaca canllamanta cachun. Shina cacpipish, ñucaca chai quillcata rezashami. Shinallatac chai quillcashca imata nisha nicushcatapish huillashami.

SAN MATEO 10:8

Ungushcacunatapish alliyachinguichic, Lepra ungüitapish pichanguichic, huañushcacunatapish causachinguichic, supaicunatapish llucchishpa cachanguichic. Yangami caita ruhuangapacca poderta chasquircanguichic, chaimantami yanga ruhuana canguichic.

1 CORINTIOS 6:12

Maijanca: “Ñucaca tucui imata ruhuasha nishpapish, ruhuanallami cani” ningachari. Shina cashpapish, imatapish quiquin munashcata ruhuanaca mana allichu. Ñucaca cacharishca shina cashpapish, millai munaicuna imatapish ruhuachichunca mana saquinachu cani.

2 CORINTIOS 12:14

Caihuanca quimsa cutin cancunata ricugringapacmi ña allichirishca cani. Cunan rishpapish, imata mañashpa mana quichushachu. Huahuacunaca mana taitacunaman cullquita tandachinchu, ashtahuanpish taitacunami huahuacunaman tandachina can. Chashna cashcamanta ñucaca cancuna ima charishcata japingaraicuca mana rishachu, ashtahuanpish cancunapac allipacmi risha nini.