2 REYES 5:14 - Dios Rimashcata Quillcashcami

¹⁴ Shina nicpimi, Naamanca Diospac runa mandashca shinallatac canchis cutincaman Jordán yacupi armarirca. Chashna armarishpaca, huahuapac cuerpo shina ima ungüi illacmi saquirirca.

2 REYES 5:14 ပူးပေါင်းရင်းမြစ်များ

1 REYES 17:16

Eliasman Mandac Dios huillashca shinallatacmi puñupi tiyac harinapish, pomapi tiyac aceitepish mana tucurirca.

2 REYES 4:35

Chaimanta jatarishpami, Eliseoca ucupi caiman chaiman puricurca. Chai quipa camaman huichicushpami, cutinllatac huahuapac jahuapi chashnallatac siririrca. Chashna canchis cutincaman tuparicpimi huahuaca ñahuita pascarca.

2 REYES 5:10

Chaipimi Eliseoca shuc runata cachashpaca: «Jordán yacupi canchis cutincaman armaringapac ri. Chashna armaricpica, aicha alli tucushpa, ungüi illac chuyanllami saquiringui» nirca.

2 CRÓNICAS 20:20

Paicunaca tutamanta utca jatarishpami, shitashca pamba Tecoaman llucshircacuna. Chaiman llucshicushpami Josafatca: «Judá llactapi, Jerusalenpi causaccuna uyaichic. Cancunata Mandac Diospi shunguta churaichic. Shina ruhuacpica, ima llaquipish mana japingachu. Dios ima nishcata huillaccuna huillashcapipish shunguta churaichic. Shina ruhuacpica, tucuimi alli llucshinga» nirca.

JOB 31:13

Ñucata servic carihuan, huarmihuan piñarishpa, paicuna japina cashcata mana cushca cashpaca.

JOB 33:25

Shina mañacpica, paipac cuerpoca huahuacunapac cuerpota yalli huambra tucushpami mosorac cashca punzhacunaman cutinman.

ÉXODO 4:7

Chaimantami Mandac Diosca: —Maquita quinzhupi cutin sati— nirca. Paica cutinllatacmi quinzhupi satirca. Maquita quinzhumanta llucchicpica, mana ima tucushca, alli maquimi llucshirca.

PROVERBIOS 9:9

Yachaisapa runaman yuyaita cungui. Paica ashtahuan yuyaisapami tucunga. Cashcatatac ruhuac runata yachachi. Paica ashtahuan yachacmi tucunga.

LEVÍTICO 13:58

Ashtahuanpish churanapi, mana cashpaca ahuashcapi, mana cashpaca imapish caramanta ruhuashcapi cac mapa ungüi tacshacpi, tucui anchuricpica, cutinmi tacshana can. Chai quipaca mapamanta chuyayashcami saquiringa» nirca.

ZACARÍAS 13:1

Chai punzhapica Davidpac huahuacunapish, Jerusalenpi causaccunapish tucyacuc yacutami charinga. Chaihuanmi juchata ruhuashpa mapayashcataca chuyayanga.

ZACARÍAS 14:8

Causaita cuc yacumi Jerusalenmantaca llucshinga. Chai yacuca tamya punzhacunapipish, usyai punzhacunapipish chaupica inti llucshina lado mama cuchaman, chaupica inti tigrana lado mama cuchamanmi ringa.

SAN LUCAS 4:27

Eliseo huillacui punzhacunapi, Israelpi achca lepra ungüihuan caccuna tiyacpipish, Eliseoca shucllatapish mana alliyachircachu, ashtahuanpish Siria llactamanta Naamanllatami alliyachirca— nirca.

SAN LUCAS 5:13

Shina nicpimi Jesusca: —Ari, alliyachisha ninimi. Alliyai— nirca. Shina nishpa, maquihuan tuparicpica, lepra ungüica anchurircallami.

SAN JUAN 2:5

Shina nicpimi, mamaca serviccunataca: —Tucui pai nishcata ruhuanguichic— nirca.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.

JOSUÉ 6:4

Canchis curacunami oveja gachumanta ruhuashca canchis cornetata apashpa, Arca ñaupata ringa. Canchis punzha tucucpica, canchis cutin chai pueblota muyunguichic. Cutin curacunaca chai gachu cornetapimi tocangacuna.