2 REYES 5:12 - Dios Rimashcata Quillcashcami

¹² ¿Manachu Damasco pueblopi tiyac Abana, shinallatac Farfar jatun yacucunaca tucui Israel llacta yacucunata atishpa ashtahuan alli? ¿Manachu chai yacupi armarishpa chuyanlla saquiri pudini?» nirca. Shina nishpami, piñarishpa tigrarishpa rirca.

2 REYES 5:12 ပူးပေါင်းရင်းမြစ်များ

2 REYES 2:14

Chaipi shayarishpami, Eliaspac saquirishca jahualla churanata japishpa yacupi huactarca. Chashna huactashpaca: «¿Eliasta Mandac Dios maipitac cangui?» nirca. Chashna nishpa huactacpimi, yacuca uraman janaman montonarirca. Chashna montonaricpimi, Eliseoca pasarca.

2 REYES 2:8

Chaipimi Eliasca paipac jahualla churanata llucchishpa, patarishpaca yacupi huactarca. Shina huactacpimi, yacu caiman chaiman montonaricpi, paicunaca chaquishca allpata pasarca.

2 REYES 5:11

Shina nicpimi, Naamán piñarishpaca: «Pai tupangapac llucshishpa, ñuca ladopi shayarishpa, paipac maquita ungushca pushtupi churashpa, paipac Diospac shutipi mañacpi lepra ungüi anchurina cashcatami yuyarcani.

2 REYES 5:17

Chaimantami Naamanca: —Shina cashpaca, cai llactamanta canta servic ñuca allpata ishcai mulapi apachun saqui. Chaica canta servic ñucaca cunanmanta ñaupamanca mana shuctac dioscunaman animalta tucui rupachishachu. Ashtahuanpish Mandac Diosllamanmi tucui rupachisha.

PROVERBIOS 14:17

Utca piñaric runaca yuyai illac shina imatapish ruhuanllami. Mana allita ruhuac runaca tucuipac piñanami canga.

PROVERBIOS 16:32

Yallita sinchi runa canapac randica, mana utca piñaric canami ashtahuan alli. Quiquinllatac jarcaric runaca shuc pueblota japic runatapish, ashtahuan yalli allimi.

PROVERBIOS 19:11

Alli yuyaiyuc runaca piñarishpapish jarcarinmi. Piñaccuna rimacpipish upalla tucushpa, alli nishca canallatami munan.

CANTARES 4:8

¡Líbano urcumanta ñucahuan urai jaculla! ¡Ñuca novialla, Líbano urcumanta ñucahuan jaculla! Amana urcumanta, Cenir urcumanta, Hermón urcumanta uricuiyari. Leoncuna causana jutcumanta, leopardocuna causanamanta shamuiyari.

JEREMÍAS 49:23

Mandac Dios Damascota llaquichinamanta huillashpaca: «Hamat, Arfad llactacunapi causaccunaca mana alli huillaita uyashpami yallita llaquirirca. Mama cucha chaupipi cac shinami, yalli llaquihuan shuc ratollapish mana samarincuna.

ZACARÍAS 13:1

Chai punzhapica Davidpac huahuacunapish, Jerusalenpi causaccunapish tucyacuc yacutami charinga. Chaihuanmi juchata ruhuashpa mapayashcataca chuyayanga.

ZACARÍAS 14:8

Causaita cuc yacumi Jerusalenmantaca llucshinga. Chai yacuca tamya punzhacunapipish, usyai punzhacunapipish chaupica inti llucshina lado mama cuchaman, chaupica inti tigrana lado mama cuchamanmi ringa.

MARCOS 1:9

Chai punzhacunapimi Jesusca Galilea llacta Nazaret pueblomanta Juanpacman shamurca. Chaimantami Juanca Jordán yacupi Jesustaca bautizarca.