2 REYES 5:11 - Dios Rimashcata Quillcashcami

¹¹ Shina nicpimi, Naamán piñarishpaca: «Pai tupangapac llucshishpa, ñuca ladopi shayarishpa, paipac maquita ungushca pushtupi churashpa, paipac Diospac shutipi mañacpi lepra ungüi anchurina cashcatami yuyarcani.

2 REYES 5:11 ပူးပေါင်းရင်းမြစ်များ

GÉNESIS 20:7

Cunanca, cai huarmita paipac cusaman cutichi. Paica ñuca ima nishcata huillacmi. Paica can ama huañuchunmi, ñucata mañanga. Cai huarmita mana cutichishpaca, canpish, canhuan causaccunapish huañunguichictacmi» nirca.

2 REYES 4:5

Chai huarmi Eliseopac ñaupamanta rishpaca, paipac huahuacunandimi ucupi huichcarirca. Huahuacunaca puñucunata paiman tupachicpica, paica aceiteta jundachishpami catirca.

2 REYES 5:10

Chaipimi Eliseoca shuc runata cachashpaca: «Jordán yacupi canchis cutincaman armaringapac ri. Chashna armaricpica, aicha alli tucushpa, ungüi illac chuyanllami saquiringui» nirca.

2 REYES 5:12

¿Manachu Damasco pueblopi tiyac Abana, shinallatac Farfar jatun yacucunaca tucui Israel llacta yacucunata atishpa ashtahuan alli? ¿Manachu chai yacupi armarishpa chuyanlla saquiri pudini?» nirca. Shina nishpami, piñarishpa tigrarishpa rirca.

PROVERBIOS 1:32

Imata mana yachaccunataca chai mana yachashcallatacmi huañuchinga. Mana alli yuyaiyuc gentecunataca chai mana alli yuyaillatacmi tucuchinga.

PROVERBIOS 13:10

Cariyashpa jatun tucuccunaca piñanacuipimi churan. Ashtahuanpish cunashcata uyaccunami allita yachaccuna can.

PROVERBIOS 3:7

Ama canllatac yachaisapa cashcata yuyanguichu. Ashtahuanpish Mandac Diosta manchashpa, mana allimanta anchuringui.

SAN MATEO 15:27

Shina nicpimi, chai huarmica: —Ari, Apunchic Jesús. Amocuna mizamanta urmachishca micunataca allcucuna micunllami— nirca.

SAN MATEO 19:22

Chai mosoca yalli chayucmi carca. Chaimantami chashna nicpica, yallita llaquirirca.

SAN MATEO 8:8

Shina nicpimi, soldadocunata mandacca: —Apunchic Jesús, ¿ñuca ima alli cacpitac, ñuca huasimanca risha ninguiyari? Can caimanta alliyachun nilla. Chashna nicpica, alliyangallami.

SAN LUCAS 14:11

Maijanpish “allimi cani” nictaca, “mana allichu cangui” ningami. Maijanpish “mana allichu cani” nictaca, “allimi cangui” ningami» nirca.

SAN JUAN 13:20

Maijanpish ñuca cachashcata chasquicca, ñucatami chasquin. Ñucata chasquicca, ñucata Cachactami chasquin. Chaica chashnatacmi can— nirca.

SAN JUAN 4:48

Chashna mañacpimi Jesusca: —Milagrocunata ruhuacta manarac ricushpaca, ñucata mana cringuichicchu— nirca.

HEBREOS 12:25

Dios rimashcata uyaichic. Pacta mana uyashun ninguichicman. Cai pachapi Dios rimashcata mana uyashun niccunaca, tucuimi llaqui tucurca. Ñucanchiccarin jahua pachamanta rimacuctaca cazunatacmi canchic.