2 REYES 4:4 - Dios Rimashcata Quillcashcami

⁴ Chai quipaca huasiman huahuacunahuan rishpa, punguta huichcarishpa, tucui chai puñucunapi aceiteta jundachi. Ña jundachishca puñutaca shucman chicanyachishpa churai— nirca.

2 REYES 4:4 ပူးပေါင်းရင်းမြစ်များ

2 REYES 4:3

Shina nicpimi Eliseoca: —Cambac vecinocunapacman rishpa, chushac puñucunata mañai. Chaicunataca mashnatapish mañanguilla.

2 REYES 4:5

Chai huarmi Eliseopac ñaupamanta rishpaca, paipac huahuacunandimi ucupi huichcarirca. Huahuacunaca puñucunata paiman tupachicpica, paica aceiteta jundachishpami catirca.

ISAÍAS 26:20

Ñuca llactapi causaccunalla, ucucunaman yaicushpa pungucunata huichcarichic. Dios piñarishca pasaringacaman ashata miticuichic.

SAN MATEO 6:6

Canta Diosta mañashpaca, ucuman yaicushpa, punguta huichcashpa canta Mandac Diosta pacalla mañai. Chashna mañacpica, pacallata ricuc Diosca, can japina cashcata cungami.

MARCOS 5:40

Jesús shina nicpica, burlashpa asircacunami. Chaimantami Jesusca chai ucumanta tucui gentecunata llucchishpa cachashpa, huambrapac taita mamata, quimsa yachacuccunata pushashpa, chai huambra siricuc ucuman yaicurca.

SAN JUAN 6:11

Jesusca chai tandata japishpa, Diosta pagui nishpaca, yachacuccunamanmi raquichun curca. Challuata japishpapish, chashnallatacmi ruhuarca. Chashna ruhuacpica, mana nictami micurcacuna.

HECHOS 9:40

Pedroca tucui chai ucupi caccunata canzhaman llucchishpaca, cungurishpami Diosta mañarca. Chai huañushca huarmita ricungapac tigrarishpaca: —¡Tabita, jatari!— nirca. Shina nicpimi, chai huarmica ñahuita pascashpa, Pedrota ricushcahuan jatarishpa tiyarirca.

EFESIOS 3:20

Diosca ñucanchicpi imatapish ruhuaclla cashcata ricuchic shinallatacmi, ñucanchic yuyashcatapish, mañashcatapish yalli imatapish ruhuaclla can.