2 REYES 4:38 - Dios Rimashcata Quillcashcami

³⁸ Eliseoca achca yarcai punzhacunami Gilgal puebloman cutimurca. Dios ima nishcata huillaccunapac churicunapish chaipimi paihuan carca. Chaimantami Eliseoca paita servic runataca: «Dios ima nishcata huillaccunaman carangapac jatun mangapi yanui» nirca.

2 REYES 4:38 ပူးပေါင်းရင်းမြစ်များ

GÉNESIS 25:29

Shuc punzhami Jacoboca sumac pucalla micunata yanushca carca. Cutin Esauca pambamanta shaicushca shamushpami,

2 SAMUEL 21:1

David mandacui punzhapimi quimsa huatata catipi yarcai tiyarca. Chashna cacpimi, Davidca Mandac Diosta tapurca. Chashna tapucpimi Mandac Diosca: «Saulpish, paipac huasi familiapish gabaonitacunata huañuchishpa yahuarta jichashcamantami yallita yarcaica tiyan» nirca.

1 REYES 17:1

Eliasca Galaad llacta tisbitapuramantami carca. Paica mandac Acabtaca: «¡Israelcunata Mandac Diospac shutipimi nini: Ñucaca paitami servini! ¡Cai huatacunaca mana tamyangachu paramollapish mana tiyangachu! ¡Ashtahuanpish ñuca mandacllapimi tamyanga!» nirca.

2 REYES 2:1

Mandac Dios Eliasta acapana huairahuan jahua pachaman apagricucpimi, Eliasca Eliseohuan Gilgal puebloman shamurca.

2 REYES 2:3

Chaiman chayacpimi, Dios ima nishcata huillaccuna Eliseota tupangapac llucshishpaca: —¿Mandac Dios canta mandacta quichushpa cunan apagricuctaca yachanguichu?— nirca. Shina nicpimi Eliseoca: —Ari, yachanimi, upalla cailla— nirca.

2 REYES 4:1

Dios ima nishcata huillacpuramanta shuc runapac churipac huarmimi Eliseotaca: —Canta servic ñuca cusaca huañushcami. Canta servic ñuca cusa Mandac Diosta servic cashcataca canllatac yachanguimi. Shina cacpipish, ñucanchicman cullquita mañachic runami, ñuca ishcai huahuacunata paita servic cachun apangapac shamushca— nirca.

2 REYES 4:39

Paicunapuramanta shuc micunata tandangapac pambaman llucshishpami, sacha zambuta tarirca. Chaitami paipac jahualla churanapi jundachishpa pallamurca. Chaitaca ima cashcata mana yachashpami, jatun mangapi picashpa churarca.

2 REYES 8:1

Sunamita huarmipac huahuatami Eliseoca causachishca carca. Chai huarmihuan parlashpami Eliseoca: «Mandac Diosmi canchis huatacunata cai llactapi yarcai tiyachun mandashca. Cunanca caimanta ri cambac familiahuan can maipi causai pudishcapi causagri» nirca.

JOB 30:4

Yuracuna chaupipimi malvacunata tandaccuna carca. Masharingapacca retama sapitami tandaccuna carca.

PROVERBIOS 8:34

Ñuca yachachishcata uyangapac, ñuca huasi pungupi punzhanta shuyacuc runaca yallita cushicuchun. Paica ñuca huasi pungu pilar ladopimi shuyacun.

EZEQUIEL 11:3

Paicunaca: “Llaquicunaca manarac chayamungachu, huasicunata ruhuashunchiclla. Cai puebloca manga shinami canga, ñucanchicca aicha shinami cashun” nincunami.

EZEQUIEL 11:7

Chaimantami, Mandac Dios ñucaca: Cai llacta chaupipi cac huañushcacunaca aicha shina, cutin cai puebloca manga shinami canga nini. Shina cacpipish, cancunataca cai llactamanta llucchishami.

EZEQUIEL 14:13

«Huañunalla runa, cai llactapi causaccuna ñucata saquishpa, juchata ruhuacpica, ñucallatacmi ñuca maquita alzashpa llaquichisha. Micunata mana cushpami, yarcaihuan tucuchisha. Chashnami yalli yarcaihuan gentecunatapish, animalcunatapish tucuchisha.

EZEQUIEL 24:3

Chai mana cazuc gentecunataca chimbapurashca parlohuan yachachishpa: “Mandac Diosca: Mangata nina jahuapi shayachishpa yacuta churai.

LEVÍTICO 26:26

Cancunapac micunata ñuca chingachicpica, chunga huarmimi shuc hornollapi tandata cusanga. Shina cusashpaca, cancunamanca pezashpami raquinga. Shina raquicpica, cancuna micushpapish mana micushca shinallatacmi saquiringuichic.

AMÓS 7:14

Shina rimacpimi, Amosca Amasiastaca: —Ñucaca, mana Dios ima nishcata huillacchu cani, mana huillacpac churichu cani. Ashtahuanpish huagrata michishpa, sacha higota pallacmi cani.

MARCOS 6:37

Shina nicpimi Jesusca: —Cancunallatac micunata caraichic— nirca. Shina nicpimi paicunaca: —¿Ishcai patsac denario cullquihuanchu tandata randimugrichun ningui?— nirca.

SAN LUCAS 10:39

Martaca María shuti ñañatami charirca. Mariaca Jesuspac ñaupapimi yachachishcata uyashpa tiyacurca.

SAN LUCAS 2:46

Ña quimsa punzhapimi, Diosta mañana huasipi mandashcacunata yachachiccunahuan, paicunata uyashpa, tapushpa tiyacucta tarircacuna.

SAN LUCAS 4:25

Elías huillacui punzhacunapica, Israel llactapica, achca viuda huarmicunami tiyarca. Chai punzhacunapi quimsa huata, sucta quillata mana tamyacpica, tucui llactacunapimi yarcai tiyarca. Chaica, chashnatacmi carca.

SAN LUCAS 8:35

Achca gentecunami ima tucushcata ricungapac Jesuspacman rirca. Paicuna chayashpaca, supaicunata llucchishca runa, alliyashpa yuyaipi Jesuspac ñaupapi tiyacuctami ricurca. Chaita ricushpaca, yallitami mancharirca.

SAN LUCAS 8:38

Supaicunata llucchishca runapish paita pusharichunmi mañarca. Chashna mañacpimi Jesusca:

SAN LUCAS 9:13

Shina nicpimi Jesusca: —Cancunallatac caraichic— nirca. Chashna nicpimi paicunaca: —Pichca tanda, ishcai challuallatami charinchic. Cai tucui gentecunaman carangapacca, ¿randinachu canchic?— nirca.

SAN JUAN 21:5

Chashna cacpimi Jesusca: —Huahuacuna, ¿manachu ima challuata japishcanguichic?— nishpa tapurca. Chashna tapucpi paicunaca: —Imata mana japinchicchu— nirca.

SAN JUAN 21:9

Paicuna canoamanta uricushpaca, nina brazas jahuapi challua cusaricuctapish, tanda chaipi tiyacuctapish ricurcacunami.

HECHOS 10:38

Diosca Nazaret pueblomanta Jesusman paipac Espirituta cushpami, poderyucta ruhuarca. Dios paihuan cashcamantami Jesusca maipipish allita ruhuashpa, llaquichic Satanás japishcacunatapish alliyachishpa purirca.

HECHOS 15:36

Tauca punzhacuna quipami, Pabloca Bernabetaca: —Sarun Apunchic Jesusmanta alli huillaita ñucanchic huillacucpica, tauca pueblocunapimi uyashpa crirca. Cunanca, paicuna ima shina caticucta jacu ricungapac— nirca.

HECHOS 22:3

«Ñucaca Cilicia llacta Tarso pueblopi huacharishca, Israel runami cani. Shina cashpapish, cai Jerusalén pueblopimi huiñarcani. Ñucataca Gamalielmi allita yachachirca. Ñaupa taitacunaman mandashcacunata tucuita pactachicmi cani. Ima shinami cunan punzhacunapi cancuna tucui shunguhuan Diosta servicunguichic, chashnatacmi ñucapish servini.

1 SAMUEL 19:20

Chaimantami Saulca Davidta apamuchun paipac runacunata cacharca. Chaiman chayashpaca Dios ima nishcata huillaccuna tandanacushpa huillacucta, shinallatac chai huillaccunataca Samuel mandacuctami ricurca. Saúl cachashca runacunaca Diospac Espíritu paicunapacman shamucpimi, paicunapish Diosmanta huillarca.