2 REYES 4:28 - Dios Rimashcata Quillcashcami

²⁸ Shina nicpi, chai huarmica: —Amito, ñucaca mana huahuata mañarcanichu. Huahuata charigringuimi nicpica, ¿manachu ñucaca ama yanga crichishpa cushichichun?— nircani.

2 REYES 4:28 ပူးပေါင်းရင်းမြစ်များ

GÉNESIS 30:1

Raquelca Jacobopacta mana huahuata chari pudishpami: “Ñucaca Lea cashpachari alli caiman” nic carca. Chaimantami paipac cusataca: —¡Huahuata cui, mana cucpica huañugrinimi!— nirca.

2 REYES 4:16

Eliseoca: —Cai shamuc huata, cunan shina punzhapica shuc huahuatami marcashca cangui— nirca. Shina nicpi, chai huarmica: —¡Ñuca mandaclla, Diospac runalla! ¡Canta servic ñucataca ama yanga crichichu!— nirca.

2 REYES 4:29

Shina nicpi, Eliseoca paita servic Giezitaca: —Chumbillishpa ñuca taunata apashpa ri. Maijan tupacpipish, ama allillachu cangui ninguichu. Canta allillachu cangui nicpipish, upalla ringuilla. Ña huasiman chayashpaca, huahuapac ñahui jahuapi ñuca taunata churangui— nirca.