2 REYES 4:26 - Dios Rimashcata Quillcashcami

²⁶ Cunanca, paita tupangapac callpai. Paita tupashpaca: “¿Allillachu cangui? ¿Cambac cusapish allillachu? ¿Cambac huahuapish allillachu?” ningui— nirca. Shina nicpi, chai huarmica: —Allillami canchic— nirca.

2 REYES 4:26 ပူးပေါင်းရင်းမြစ်များ

GÉNESIS 29:6

Shina nicpimi Jacoboca: —Paica, ¿allillachu?— nirca. Shina nicpimi paicunaca: —Ari, Labanca allillami causacun. Riqui, chaitami paipac ushi Raquelca ovejacunahuan shamucun— nirca.

GÉNESIS 37:14

Chashna nicpimi, taita Israelca: —Cunanca, cambac huauquicunatapish, ovejacunatapish ima shina cashcata ricushpa, ñucaman huillangapac cutimugri— nirca. Chashna nishpami, taita Israelca paipac churi Josetaca Hebrón pambamantaca Siquemman cacharca.

GÉNESIS 43:27

Chashna cumuricpica, Joseca paicuna ima shina cashcata tapushpaca: —¿Cancuna parlashca yuyac taitaca causacunracchu? ¿Allillachu causacun?— nishpa tapurca.

2 SAMUEL 18:29

Shina nicpimi, jatun mandacca: —¿Absalón mosoca allillachu?— nishpa tapurca. Shina nicpimi Ahimaasca: —Canta servic Joab ñucata cachacucpica, yalli caparinacuitami uyarcani. Quipata ima tucushcataca mana ashtahuan yachanichu— nirca.

2 REYES 4:23

Shina nicpimi, paipac cusaca: —Cunanca, mana llullu quillapish, mana samana punzhapish canchu. ¿Imapactac paita ricungapac rigringui?— nirca. Shina nicpi, chai huarmica: —Chaimanta ama mancharichu— nirca.

2 REYES 4:25

Chashna utca rishpami, Carmelo urcupi Diospac runapacman chayarca. Diospac runaca chai huarmita carupi ricushpami, paita servic Giezitaca: —Riqui, chaitaca sunamita huarmimi shamucun.

2 REYES 4:27

Chai urcupi Diospac runapacman chayashpami, paipac chaquita ucllarirca. Chashna ucllaricpimi, Giezica anchuchingapac japirirca. Chashna japiricpimi, Diospac runaca: —Saquilla, paipac shungupica jatun llaquihuanmi. Diosmi paipac llaquitaca pacashpa, mana huillashca— nirca.

2 REYES 5:22

Shina tapucpimi Giezica: —Allillami cani. Shina cacpipish, ñucata mandacmi: “Efraín urcumantami Dios ima nishcata huillaccunapac ishcai churi ñucapacman cunanlla chayamun. Paicunaman carangapacmi shuc talento cullquita, ishcai mushuc churanata cui” nichun cachan— nirca.

SALMOS 39:9

Canllatac ñucata llaquichishcamantami mana rimashpa upalla saquirini.

LEVÍTICO 10:3

Chaimantami Moisesca Aarontaca: «Cashna tucunata utcapi Mandac Dios huillashpaca: “Ñucapacman cuchuyamucmanmi ñuca jucha illac cashcata ricuchisha. Israelcunamanmi ñuca sumaimana cashcata ricuchisha” nircami» nirca. Chaimantami Aaronca upalla saquirirca.

ZACARÍAS 2:4

Shina shamushpami ñucahuan parlashpa ric angeltaca: «Callpa rishpa chai mosota: “Jerusalenpi achca gentecuna, achca animalcuna tiyashcamantami muyundi pirca illac canga.

HECHOS 15:36

Tauca punzhacuna quipami, Pabloca Bernabetaca: —Sarun Apunchic Jesusmanta alli huillaita ñucanchic huillacucpica, tauca pueblocunapimi uyashpa crirca. Cunanca, paicuna ima shina caticucta jacu ricungapac— nirca.

1 SAMUEL 17:18

Shinallatac chunga quesellota huaranga soldadocunata mandacman apai. Cambac huauquicuna ima shina cashcata ricumungui. Paicuna alli cashcata yachangapacca imallatapish paicunapacta apamungui— nirca.

1 SAMUEL 3:18

Shina nicpimi, Samuel imatapish mana pacashpa tucui huillarca. Chaita uyashpami Elica: —¡Paica Mandac Diosmi! Paiman ima alli cacpica, chashnallatac ruhuachunlla— nirca.