2 REYES 4:2 - Dios Rimashcata Quillcashcami

² Shina nicpimi Eliseoca: —¿Canmantaca imatatac ruhuachun ningui? ¿Cambac huasipi imatatac charingui?— nirca. Shina nicpimi, chai huarmica: —Canta servic ñucaca imatapish huasipica mana charinichu. Shuc puñu aceitellatami charini— nirca.

2 REYES 4:2 ပူးပေါင်းရင်းမြစ်များ

1 REYES 17:12

Chashna nicpimi, chai huarmica: —¡Canta Mandac Diospac shutipimi nini: Cusashca tandataca mana charinichu! ¡Maqui junda harinallatacmi puñupi charini! Aceitetapish ashallatami pomapi charini. Cunanca, ishcailla yantatami ñuca cari huahuahuan tandata ruhuashpa micungapac murucuni. Caita micushpaca huañushunllami— nirca.

2 REYES 2:9

Ña pasashpaca, Eliasca Eliseotaca: —Cambac ladomanta ñucata manarac apacpi, canman imata ruhuachun ñucata mañailla— nirca. Shina nicpimi Eliseoca: —Cambac espirituta chaupihuan cuchun ninimi— nirca.

2 REYES 4:3

Shina nicpimi Eliseoca: —Cambac vecinocunapacman rishpa, chushac puñucunata mañai. Chaicunataca mashnatapish mañanguilla.

ÉXODO 4:2

Shina nicpimi, Mandac Diosca: —¿Imatatac maquipi charicungui?— nirca. Shina nicpimi Moisesca: —Shuc taunatami charicuni— nirca.

SAN MATEO 15:34

Shina nicpimi Jesusca: —¿Cancunaca mashna tandatatac charinguichic?— nirca. Shina nicpimi paicunaca: —Canchis tanda, asha challuallatami charinchic— nirca.

HECHOS 3:6

Chashna chaparacucpimi Pedroca: —Cullquitapish, curitapish mana charinichu. Chashna cashpapish ñuca charishcatami canman cuni. Nazaret pueblomanta Jesucristopac shutipimi, “jatarishpa puri” nini— nirca.

2 CORINTIOS 6:10

Llaquilla cashpapish, punzhantami cushicunchic. Huacchacuna cashpapish, taucacunatami chayucyachinchic. Imata mana charic cashpapish, tucuitami charinchic.

SANTIAGO 2:5

Ñuca cuyashca criccuna: Diosca cai pachapi imata mana chariccunataca, crishcahuan chayuc tucuchun, Dios maipi mandacucpi paita cuyaccuna Pai cusha nishcata japichunmi, chashnaca acllarca.