2 REYES 4:14 - Dios Rimashcata Quillcashcami

¹⁴ Shina nicpimi, Eliseoca paita servictaca: —Shinashpaca, cai huarmimanca ¿Imatatac ruhuashun?— nirca. Shina nicpimi, paita servic Giezica: —Riqui, paica huahuacunata mana charinchu. Paipac cusapish yuyacmi— nirca.

2 REYES 4:14 ပူးပေါင်းရင်းမြစ်များ

GÉNESIS 17:17

Shina nicpimi, Abrahamca pambacaman cumurishpa, paipac shungupi asishpaca: «¿Patsac huatayuc runachu huahuata charisha? ¿Sarapish iscun chunga huatayuc huarmichu huicsayuc tucugrin?» nicurca.

GÉNESIS 25:21

Isaacca paipac huarmi mana huahuata chari pudishcamantami Mandac Diosta mañarca. Chashna mañacpica, Mandac Diosca uyarcami. Chaimantami paipac huarmica huicsayuc tucurca.

GÉNESIS 30:1

Raquelca Jacobopacta mana huahuata chari pudishpami: “Ñucaca Lea cashpachari alli caiman” nic carca. Chaimantami paipac cusataca: —¡Huahuata cui, mana cucpica huañugrinimi!— nirca.

2 REYES 4:13

Eliseoca paita servic Giezitaca: —Chai huarmitaca: “Ñucanchic-huanca yallitami alli cashcangui. Chaimanta, ¿ima allitatac canman ruhuashun? ¿Jatun mandac-huan mana cashpaca, soldadocunata mandac-huan canmanta parlachun ninguichu?” nishpa tapui— nirca. Shina tapucpi, chai huarmica: —Cai ñuca gentecunapac chaupipica allimi causani— nirca.

2 REYES 4:15

Shina nicpimi Eliseoca: —Chai huarmita cayai— nirca. Shina chai huarmita cayacpi, shamushpa pungu yaicunapi shayaricpimi,

SAN LUCAS 1:7

Elisabetca mana huahuata chari pudircachu. Chaimantami huahua illaclla carcacuna. Ña yuyaccunapishmi carca.

JUECES 13:2

Zora pueblomantami Dan aillupuramanta Manoa runa tiyarca. Paipac huarmica huahuata mana chari pudic cashpami, mana sajuarirca.

1 SAMUEL 1:2

Elcanaca ishcai huarmitami charirca. Shuc huarmica Ana, caishuc huarmica Peninami carca. Peninaca huahuacunata charircami. Ashtahuanpish, Anaca mana charircachu.

1 SAMUEL 1:8

Chaita ricushpami paipac cusa Elcanaca: «Ana, ¿ima nishpatac huacangui? ¿Ima nishpatac mana micungui? ¿Ima nishpatac cambac shungupi llaquilla cangui? ¿Manachu ñucaca chunga churicunatapish yalli cani?» nirca.