2 REYES 3:25 - Dios Rimashcata Quillcashcami

²⁵ Pueblocunata llaquinayaita tucuchishpami, tarpuna allpacunapica rumicunata tucui jundachirca. Yacu llucshic junducunatapish tucuimi taparca. Alli yuracunatapish pitircami. Kir-hareset pueblollami mana ima tucushpa saquirirca. Shina cashpapish, huaracahuan macanacuccuna muyundita shayarishpami tucui tucuchirca.

2 REYES 3:25 ပူးပေါင်းရင်းမြစ်များ

GÉNESIS 26:15

Isaacpac taita Abraham causacui punzhacunapi Abrahamta serviccuna yacuta llucchingapac ruhuashca junducunatami filisteocunaca allpata jundachishpa chingachirca.

GÉNESIS 26:18

Chaimantami Isaacca paipac taita Abraham causacui punzhacunapi yacuta llucchingapac ruhuashca junducunataca cutin pascarca. Chai junducunataca filisteocunami Abraham huañushca quipa chingachirca. Chashna pascashpami, paipac taita shutichishca shuticunallatatac cutin shutichirca.

2 SAMUEL 8:2

Shinallatac moabitacunatapish atishpami, pambapi sirichishpa huascahuan medirca. Ishcai huasca jundata medicpica huañuchircami. Shuc huasca jundata medicpica, mana huañuchircachu. Moabitacunaca Davidta servic tucushpami, Davidman impuestota cushpa causarca.

2 REYES 3:19

Chaimantami jatun pircahuan muyundita jarcashca tucui pueblocunatapish, jatun pueblocunatapish tucui urmachishpa tucuchinguichic. Shinallatac tucui alli yuracunatapish pitishpami shitanguichic. Yacu llucshic junducunatapish tucuitami tapanguichic. Tarpuna allpacunapica rumicunatami jundachinguichic” ninmi» nirca.

2 REYES 3:24

Ashtahuanpish israelcunapac carpacuna ladoman chayacpica, israelcunaca macanacui callaricpimi, moabitacunaca paicunapac ñaupamanta miticushpa callparca. Shina callpacpimi, moabitacunataca tucui huañuchishpa, paicunapac pueblocunata tucuchirca.

2 REYES 3:26

Moab llactata jatun mandacca macanacui sinchi tucucpimi, espadahuan macanacunata alli yachac canchis patsac soldadocunata tandachishpa, Edom llactata jatun mandac-huan macanacungapac shayarirca. Shina cashpapish mana pudircachu.

2 CRÓNICAS 32:4

Chaimantami achca gentecuna tandanacushpa yacu junducunatapish chai llacta chaupita ric yacutapish tapashpaca: «Asiria llactata jatun mandaccunaca, ¿imatac achca yacutaca taringayari?» nishpami tucui taparca.

ISAÍAS 15:1

Moab llacta llaqui tucunamanta huillashcami. Shuc tutallapimi Moab llactapi tiyac Ar-moab llactapish, Moab llactapi tiyac Kir-moab llactapish tucuchishca, chunlla saquiringa.

ISAÍAS 16:11

Moab llactapi causaccunamantaca ñuca shunguca arpa huacac shinami llaquilla tucun. Kir-haresetpi causaccunamantaca tucui shunguhuanmi huacani.

ISAÍAS 16:7

Chaimanta tucui Moab llactapi causaccunami yallita caparishpa huacan. Kir-hareset llactapi tiyac chaquishca uvasmanta tortata yuyarishpami llaquirishpa, yallita huacan.

JEREMÍAS 48:31

Chaimantami ñucaca Moabmantapish, chaipi causaccunamantapish, Kir-hares llactapi causaccunamantapish yallita caparishpa huacagrini.

JEREMÍAS 48:36

Chaimantami Moab llactapi causaccunamantapish, Kir-hares llactamantapish ñuca shunguca flauta huacac shina huacanga. Shinami yallita chayucyashpapish tucui tucuchirca.

DEUTERONOMIO 2:9

Chaipimi Mandac Diosca: “Moabpi causaccunataca ama piñachinguichicchu, ama macanacunguichicchu. Chai llactataca ashallatapish mana cushachu. Ashtahuanpish Ar allpataca Lotpac churicunamanmi cusha” nirca.

JUECES 9:45

Abimelecca tucui punzha macanacushpami chai pueblota quichurca. Chashna quichushpa tucui chaipi causaccunata huañuchishpami chai pueblota yallita llaquichishpa cachita shic-huarca.