2 REYES 3:2 - Dios Rimashcata Quillcashcami

² Mandac Diospac ñaupapica mana allitami ruhuarca. Chashna ruhuashpapish, paipac taita mama shinaca mana ruhuarcachu. Paica, paipac taita ruhuachishca Baal diostaca anchuchircami.

2 REYES 3:2 ပူးပေါင်းရင်းမြစ်များ

1 REYES 16:19

Mandac Diospac ñaupapi mana allita ruhuashpa juchata ruhuashcamanta, shinallatac Jeroboam ruhuashca juchallatatac ruhuashpa, israelcunatapish juchapi urmachishpa causashcamantami chashnaca tucurca.

1 REYES 21:20

Acabca Eliasta ricushpaca: —Ñucahuan mana alli cac runami caipi tupangapac shamushcangui— nirca. Shina nicpimi Eliasca: —Canllatac caturic shina, Mandac Diospac ñaupapi mana allita ruhuashcamantami canhuan tupangapac shamuni.

1 REYES 21:25

Acab shinaca Mandac Diospac ñaupapi millaita ruhuacca pipish mana tiyarcachu. Paitaca paipac huarmimi millaita ruhuachicurca.

2 REYES 10:18

Chai quipami Jehuca tucui gentecunata tandachishpa paicunataca: «Acabca Baal diostaca ashallatami servirca. Ashtahuanpish ñucaca yallitami servisha.

2 REYES 21:20

Paipish Mandac Diospac ñaupapica paipac taita Manasés shinallatacmi mana allita ruhuarca.

2 REYES 21:6

Manasesca, paipac churitaca huañuchishpami rupachirca. Adivinocunapish, brujocunapish, huañushcata cayaccunapish, maijan nishcatapish yachachichunmi churarca. Chashna yalli millaita ruhuashpami Mandac Diosta piñachirca.

2 REYES 9:22

Joramca Jehuhuan tapushpaca: —Jehú, ¿allipacchu shamungui?— nirca. Shina nicpimi paica: —Cambac mama Jezabel yallita huainayashpa, yallita brujiashpa causacucpica, ¿maitatac allipac shamushayari?— nirca.

2 REYES 9:34

Chai quipami Jehuca ucuman yaicurca. Ña micushca, ubiashca quipaca: —Chai mana allita ruhuac huarmita apashpa enterragrichic. Ima shina cashpapish jatun mandacpac ushimi— nirca.

ÉXODO 23:24

Paicunapac dioscunapac ñaupapi ama cumuringuichu. Shinallatac ama servinguichu, ama paicuna shina mana allita ruhuanguichu. Ashtahuanpish diosman riccha rumicunataca ñutuchishpami chingachina cangui.

1 SAMUEL 15:19

¿Ima nishpatac Mandac Dios mandashcata mana cazushpa, chai piñaccunapac ima tiyashcacunata apamushpa, Mandac Diospac ñaupapica mana allita ruhuarcangui?— nirca.