2 REYES 3:1 - Dios Rimashcata Quillcashcami

¹ Jatun mandac Josafat chunga pusac huatata mandacucpimi, Acabpac churi Joramca Israel llactata mandai callarirca. Paica chunga ishcai huatatami Samaria llactataca mandarca.

2 REYES 3:1 ပူးပေါင်းရင်းမြစ်များ

1 REYES 22:51

Judá llactata jatun mandac Josafat chunga canchis huatata mandacucpimi, Acabpac churi Ocoziasca Israel llactata Samaria pueblopi mandai callarirca. Paica ishcai huatatami Israel llactata mandarca.

2 REYES 1:17

Mandac Dios Eliasta nishca shinallatacmi Ocoziasca huañurca. Ocoziasca mana churita charircachu. Chaimantami Israel llactaca Joram mandai callarirca. Josafatpac churi Joramca ishcai huatatami Judá llactataca mandarca.

2 REYES 3:9

Israel llactata jatun mandacpish, Judá llactata jatun mandacpish, Edom llactata jatun mandacpish rishpaca, canchis punzhatami shitashca pambata muyushpa rirca. Chaimantami yacuca soldadocunamanpish, caballocunamanpish ña tucurirca.

2 REYES 8:16

Acabpac churi Joram Israel llactata pichca huatata mandacucpimi, Judá llactata jatun mandac Josafatpac churi Joramca Judá llactata mandai callarirca.

2 CRÓNICAS 22:5

Ocoziasca chashna yuyaita cucpimi, Israel llactata jatun mandac Acabpac churi Joramhuan tandanacushpa, Siria llactata jatun mandac Hazaelhuan macanacungapac Galaad llacta Ramot puebloman rirca. Chaipica Siria llactamanta soldadocunami Joramta chugrirca.