2 REYES 25:9 - Dios Rimashcata Quillcashcami

⁹ Chashna shamushpami, Mandac Diospac huasitapish, mandana huasitapish, Jerusalenpi tucui huasicunatapish, mandaccunapac tucui huasicunatapish rupachirca.

2 REYES 25:9 ပူးပေါင်းရင်းမြစ်များ

1 REYES 9:7

ñucami israelcunataca paicuna causachun ñuca cushca llactamanta llucchishpa cachasha. Shinallatac ñuca shutipi mañana ñucapac cachun chicanyachishca cai huasitapish ñuca ñaupamanta anchuchishami. Chashna ruhuacpimi, israelcunataca shuc llactacunapi causaccunaca parlanacushpa asingacuna.

1 REYES 9:8

Sumac nishpa charishca cai huasitaca urmashcata ricushpami, maijanpish mancharinga. Chaita ricushpa, burlashpa asishpaca: “Mandac Diosca, ¿ima nishpatac cai llactatapish, cai huasitapish chashna llaquichinyari?” ningacunami.

2 CRÓNICAS 36:19

Chai quipaca Mandac Diospac huasita rupachishpami, Jerusalén muyundi jatun pircatapish urmachirca. Mandashpa tiyana huasitapish rupachishpami, chai huasipi imalla sumaimana tiyashcacunatapish tucui chingachirca.

ESDRAS 5:12

Ashtahuanpish ñucanchic ñaupa taitacuna jahua pachapi causac Diosta yallita piñachishcamantami paica Babilonia llactata jatun mandac caldeocunapuramanta Nabuconodosorpac maquipi churashca. Shina churacpimi, cai huasitaca tucui urmachishpa, gentecunataca Babilonia llactaman prezu apashca.

SALMOS 79:1

Sumac Dioslla, shuctac llacta runacunami cambac llactata quichungapac shamushca. Cambaclla huasitapish mapayachishpami Jerusalén pueblotapish urmachishpa rumi montonta ruhuashpa saquishca.

ISAÍAS 64:9

Mandac Dioslla, ama yallita piñarichu. Ñucanchic yalli mana allita ruhuashcatapish ama huiñaita yuyarichu. ¡Riqui, tucui ñucanchicmi can acllashca canchic! ¡Chaimanta yuyariyari!

JEREMÍAS 17:27

Ashtahuanpish samana punzhata ñucapaclla cachun mana chicanyachisha nicpi, ñuca mandashcata mana uyacpi, chai samana punzhapi ama imata apashpa Jerusalén pungucunata yaicuchun nishcata mana cazucpica, chai pungucunataca ninata churashpami rupachisha. Chai ninaca Jerusalenpi tiyac mandana huasicamanmi rupachinga. Chai ninaca rupacungallami” ninmi ningui» nirca.

JEREMÍAS 26:9

¿Ima nishpatac canca: “Cai huasica Silo llacta huasicuna shinami tucuchishca canga. Cai llactapish llaquinayaitami tucuchishca canga. Shucllapish mana saquiringachu” nishpa, Mandac Diospac shutipi huillangui?» nirca. Shina nishpami Jeremiasta llaquichingapac tucui mashna Mandac Diospac huasipi tandanacurca.

JEREMÍAS 34:2

«Israelcunata Mandac Dios ñucaca: “Judá llactata jatun mandac Sedequiaspacman rishpa, Mandac Diosca: Cai llactataca Babilonia llactata jatun mandacmanmi cugrini. Paica ninata japichishpami tucui rupachiga.

JEREMÍAS 34:22

Paicunataca cutinmi cai llactaman cutichimusha. Paicunami cancunataca mishashpa, cai llactata quichushpa rupachinga. Chashna rupachicpica, Judá llactapi tiyac pueblocunapica shuc runallapish mana saquirishpami tucui huañunga. Chashnami shitashca pambata ruhuasha. Chaitaca Mandac Dios ñucami nini» nirca.

JEREMÍAS 37:10

Cancunahuan macanacucuc caldeocunata cancuna tucuita aticpi, maijan soldadocunalla paicunapac carpa huasicunapi chugririshca saquirishpapish cai llactataca ninata churashpa tucuchingami” ninmi ningui» nirca.

JEREMÍAS 37:8

Chashna ricpimi, caldeocunaca cutinllatac cai llactaman cutishpa, macanacushpa rupachinga.

JEREMÍAS 39:8

Caldeo soldadocunaca mandana huasitapish, Jerusalén huasicunatapish rupachircami. Muyundi jatun pircacunatapish urmachircami.

JEREMÍAS 41:5

Siquem, Silo, Samaria llactacunamanta pusac chunga runacuna Mizpa llactaman shamurca. Paicunaca barbasta pitishca, churanacunapish lliquishca, tucui cuerpopish aspishcami ofrendata, inciensota, Mandac Diospac huasiman apamurca.

JEREMÍAS 52:13

Chashna rishpami, Mandac Diospac huasitapish, jatun mandacpac huasitapish, Jerusalenpi tiyac huasicunatapish, jatun huasicunatapish tucui rupachirca.

JEREMÍAS 7:14

Chaimantami cancuna shunguta churashpa, ñuca shutita mañana huasitaca Silo llactata shinallatac ruhuagrini. Cai huasitaca cancunamanpish, cancunapac ñaupa taitacunamanpishmi curcani.

LAMENTACIONES 1:10

Sumac charishcacunataca paita piñaccunami quichu rirca. Shuctac llacta gentecuna Diospac huasiman yaicuctapish ricurcami. Diosca chai tandanacuna huasiman ama yaicuchunmi mandarca.

LAMENTACIONES 2:7

Mandac Diosca paipac altarta shitashpami paipaclla huasitapish millanayachirca. Mandashpa tiyana huasitapish, jatun pircacunatapish urmachichunmi piñaccunapac maquipi churarca. Mandac Diospac huasipica fiesta punzhacunapi shinami, caparinacushca uyarirca.

LAMENTACIONES 5:18

Sión urcuca llaquinayaita shitashca urcumi tucushca. Chacal animalcunami puricun.

EZEQUIEL 10:2

Chaimantami Mandac Diosca lino churanata churarishca runataca: «Querubincunapac ucupi tiyacuc rueda ucuman yaicushpa, rupacuc carbonta maqui jundata japishpa, pueblo jahuata shic-huai» nirca. Shina nicpimi, chai runaca ñuca ricucucpi yaicurca.

EZEQUIEL 16:41

Cambac huasicunatapish rupachingami. Achca huarmicunapac ñaupapimi cantaca llaquichinga. Shina llaquichicpimi, huainayanatapish, cuyashcacunaman paganatapish saquingui.

LEVÍTICO 26:31

Cancuna causana llactacunataca shitashcatami saquisha. Cancunapac altarcunatapish chingachishami. Cancunapac mishquilla ashnacuc inciensotapish mana chasquishachu.

LEVÍTICO 26:33

Cancunataca espadahuan llaquichishpami caita chaita catishpa cachasha. Cancunapac causana llactaca shitashcami saquiringa. Cancunapac causana pueblocunapish llaquinayaitami tucuchishca saquiringa.

AMÓS 2:5

Chaimantami Judá llactapica ninata japichisha. Chai ninami Jerusalenpi mandashpa tiyana huasicunatapish tucui rupachinga» ninmi.

AMÓS 6:11

Mandac Diosmi jatun huasicunata urmachichun, chai huasi pircacunatapish urmachichun mandanga.

MIQUEAS 3:12

Chaimantami Sión llactataca tarpuna allpata shina yapunga. Jerusalenca rumita montón shinami tucunga. Diospac huasi urcupica sachami jundanga.