2 REYES 25:7 - Dios Rimashcata Quillcashcami

⁷ Sedequiaspac churicunataca paipac ñaupallapitacmi cungata pitishpa huañuchirca. Sedequiastaca ñahuita surcushpami, cadenahuan huatashpa, Babilonia llactaman aparca.

2 REYES 25:7 ပူးပေါင်းရင်းမြစ်များ

GÉNESIS 21:16

Paipac cari huahua huañucta mana ricungaraicumi caruman rishpa flecha maicaman chayac shinapi tiyarirca. Chai chimbapurapi mama tiyacucpimi, huahuaca sinchita huacai callarirca.

GÉNESIS 44:34

¿Ima shinatac ñuca taitapacmanca cai huambra illacllaca chayagrishayari? Ñuca taita huambrata mana ricushpa, llaquiricucta ricushpaca, ñucapish llaquirishami— nirca.

2 CRÓNICAS 33:11

Chaimantami Mandac Diosca paicunata llaquichichunca, Asiria llactata jatun mandacpac soldadocunata apamurca. Paicunami Manasestaca cadenacunahuan huatashpa, Babiloniaman prezu aparca.

2 CRÓNICAS 36:6

Babilonia llactata jatun mandac Nabucodonosorca paihuan macanacungapac shamushpami, cadenacunahuan huatashpa Babilonia llactaman aparca.

SALMOS 149:8

Paicunata jatun mandaccunataca grillo fierrocunahuan churachishpa prezuichic. Paicunapac alli nishca runacunataca cadenacunahuan huatashpa prezuichic.

ISAÍAS 22:3

Tucui cancunata mandaccunaca miticushpami callparca. Paicunataca mana flechahuanchu japirca. Paicuna caimanta llucshishpa, caruta rishca cacpipish, tucuitami prezurca.

JEREMÍAS 21:7

Chai quipaca Judá llactata jatun mandac Sedequiastapish, paita serviccunatapish, shuctac gentecunatapish, chai ungüihuan, yarcaihuan mana huañushpa, cai llactapi saquirishcacunatapish, jatun macanacuipi mana huañushcacunatapish Babilonia llactata jatun mandac Nabucodonosorpac maquipimi churasha. Paicunata piñashpa, huañuchinata munaccunapac maquipi churacpica, mana llaquishpami espadahuan huañuchinga. Shucllatapish mana saquingachu. Shucllatapish mana llaquingachu” ninmi ninguichic.

JEREMÍAS 22:30

Mandac Diosca: «Cai runa ima tucunata quillcaichic. Paica, paipac tucui causaipimi shuc huahuallatapish mana charinga. Paica mana alli causangachu. Paipac huahua huahuacunamantaca pipish David mandashpa tiyarinapica mana tiyaringachu. Judá llactatapish mana mandangachu» ninmi.

JEREMÍAS 34:3

Paipac maquimantaca mana llucshi pudinguichu. Ashtahuanpish paipac maquipi japi tucushpami prezuringui. Canta Babilonia llactaman apacpica, jatun mandactaca ñahui ñahuimi ricungui. Paica ñahui ñahuimi canhuanca parlanga” ninmi.

JEREMÍAS 37:17

Jatun mandac Sedequías Jeremiasta carcelmanta llucchimushpa, paipac huasipi pacalla tapushpaca: —¿Mandac Dios ima nishcata chasquircanguichu?— nirca. Shina tapucpimi Jeremiasca: —Ari, chasquircanimi. Babilonia llactata jatun mandacpac maquipimi churashca cagringui— nirca.

JEREMÍAS 38:23

Cambac huarmicunata, huahuacunatami caldeocunaca caimanta apanga. Canca paicunapac maquimantaca manatac quishpiringuichu. Ashtahuanpish Babilonia llactata jatun mandacpac maquipimi, prezu japi tucungui. Cai llactapish tucui rupachishcami canga— nirca.

LAMENTACIONES 2:9

Llacta pungucunatapish tigrachishpami, aldabacunatapish polvorca. Jatun mandaccunapish, shuctac mandaccunapish shuctac llactapimi prezu causacun. ¡Mandac Dios mandashcapish mana tiyanchu! Dios ima nishcata huillaccunapish Mandac Dios muscuipi shina ricuchishcata mana huillanchu.

EZEQUIEL 12:11

Shinallatac: “Ñucami cancuna ima tucunata ricuchicca cani. Ima shinami ñuca ruhuarcani, chai shinallatacmi cancunatapish ruhuanga. Cancunaca prezumi ringuichic.

EZEQUIEL 7:27

Jatun mandacpish duelo churanatami churaringa. Pai churashca mandacpish, llaqui churanatami churaringa. Cai llactapi causaccunapac maquicunaca chucchungami. Paicuna imata ruhuashcata taripashpami llaquichisha. Chashna ruhuacpimi, ñucataca Mandac Dios cashcata yachangacuna» nirca.

DEUTERONOMIO 28:34

Tucui chaicunata ricucushpallami yuyaita chingachinguichic.

DEUTERONOMIO 28:36

Mandac Diosmi cancunatapish, cancunapac llactata jatun mandaccunatapish, cancunapish, cancunapac taitacunapish mana ricsishca llactacunapacman apanga. Chai llactapimi rumimanta, caspimanta ruhuashca shuctac dioscunata servinguichic.

JUECES 16:21

Filisteocuna paita japishpaca ñahuita surcushpami Gaza puebloman aparca. Chaipimi bronce cadenacunahuan huatashpa carcelpi tiyac molinopi cutachun churarca.