2 REYES 25:4 - Dios Rimashcata Quillcashcami

⁴ Chaimantami jatun mandac Sedequiasca jatun pircata jutcushpa caldeocuna muyundipi chapacucpipish, tucui paipac soldadocunahuan llucshirca. Paipac huertata rishpa, ishcai pirca chaupipi tiyac punguta chai tutallatac llucshishpami, Arabá pambaman rina ñanta rirca.

2 REYES 25:4 ပူးပေါင်းရင်းမြစ်များ

2 REYES 25:5

Ashtahuanpish caldeocuna catishpa rishpami, jatun mandac Sedequiastaca Jericó pueblo lado pambapi japirca. Paipac soldadocunaca tucuimi paita shitashpa, caita chaita rirca.

2 CRÓNICAS 32:5

Chai quipami Ezequiasca ashtahuan sinchiyashpa, chai pueblo muyundi jatun pirca urmashcacunataca cutin shayachishpa chai jahuapica torrecunata shayachirca. Cai pirca canzha ladomanca shuctac jatun pircatami ruhuarca. Davidpac pueblopi tiyac Milopipish ashtahuan sinchi pircatami ruhuarca. Shinallatac achca espadacunatapish, escudocunatapish ruhuachircami.

NEHEMÍAS 3:15

Colhozepac churi Salumca Mizpa llactatami mandacurca. Paimi callpacuc yacuman llucshina punguta allichirca. Paica caspicunata churashpa, jarcana caspicunata, aldabacunata churashpami saquirca. Pircataca jatun mandacpac huerta ladopi tiyac Siloé yacu jundu ladomanta, Davidpac puebloman rina gradacamanmi allichirca.

ISAÍAS 22:11

Mauca tanquemanta yacuta japingapacmi ishcai jatun pirca chaupipi tanqueta allichircanguichic. Ashtahuanpish chai tanqueta ruhuac Diostaca mana cazurcanguichicchu. Chaita utcallapitac ruhuashcata mana yuyarircanguichicchu.

ISAÍAS 22:3

Tucui cancunata mandaccunaca miticushpami callparca. Paicunataca mana flechahuanchu japirca. Paicuna caimanta llucshishpa, caruta rishca cacpipish, tucuitami prezurca.

JEREMÍAS 32:4

Judá llactata jatun mandac Sedequiasca caldeocunapac maquimantaca manatac ati pudingachu. Paica Babilonia llactata jatun mandacpac maquipi churashcatacmi canga. Chai mandac-huanca ñahui ñahui chimbapurashpami shayaringa.

JEREMÍAS 34:3

Paipac maquimantaca mana llucshi pudinguichu. Ashtahuanpish paipac maquipi japi tucushpami prezuringui. Canta Babilonia llactaman apacpica, jatun mandactaca ñahui ñahuimi ricungui. Paica ñahui ñahuimi canhuanca parlanga” ninmi.

JEREMÍAS 38:18

Ashtahuanpish Babilonia llactata jatun mandac cachashca mandaccunapac maquipi yaicungapac canllatac mana llucshicpica, cai llactaca caldeocunapac maquipimi churashca canga. Paicunami ninata tucuchinga. Canpish paicunapac maquimanta mana quishpiringuichu” ninmi— nirca.

JEREMÍAS 4:17

Cancunallatac mana cazushcamantami chai soldadocunaca chagrata cuidac runacuna shina, muyundipi chapacun. Chaitaca Mandac Dios ñucami nini.

JEREMÍAS 4:29

Caballopi montac soldadocunapish, flechata cacharic soldadocunapish yallita tulun nishpa shamucucta uyashpami llactapi causaccunaca jatun sachacunapi, rumi quingraicunapi miticunga. Tucui llactacunata shitashpa rishcamantami shucllapish mana tiyanga.

JEREMÍAS 44:30

Ñucaca Judá llactata jatun mandac Sedequiastaca paita piñashpa huañuchinata munac Babilonia llactata jatun mandac Nabucodonosorpac maquipimi churarcani. Shinallatacmi cancunataca Egipto llactata jatun mandac Hofrapac, paita piñashpa huañuchinata munaccunapac maquipi churagrini” ninmi» nirca.

JEREMÍAS 5:10

Pircacunata huichicushpa uvas chagrata polvoichic. Shina polvoshpapish ama tucuchichicchu. Chai ramacunata tucui anchuchichic. Chaica mana ñucapacchu.

LAMENTACIONES 1:3

Judá runacunataca sinchita servichingapacmi prezu apashca. Paicunaca llactacunapac chaupipi mana samarishpami causacun. Paicunata llaquichiccunaca yallita llaquichicun.

LAMENTACIONES 1:6

Sionpi cushicunaca tucurishcami. Mandaccunapish taruga quihuata mana tarishpa puric shinami, paicunata piñaccunapac ñaupapi yallita irquiyashca puricun.

EZEQUIEL 12:12

Cancunata mandacca amsayanata quipita humbroschishpami, pircata jutcushpa llucshi ringa. Llactata mana ricungapacca, ñahuitami taparinga.

EZEQUIEL 12:14

Paipac muyundipi causac paita ayudaccunatapish, paipac soldadocunatapish espadahuan llaquichishpami caita, chaita cachasha.

EZEQUIEL 12:4

Canca punzha pacha, paicuna ricucucpi, shitashca pamban apana imacunata llucchingui. Chashna llucchishpaca prezushca riccuna shina, quipita apashpa, tucui ricucucpi chishita ringui.

EZEQUIEL 33:21

Ñucanchicta prezu apashca chunga ishcai huata, chunga quilla, pichca punzhapimi shuc runaca Jerusalenmanta miticushpa shamurca. Pai ñucaman huillashpaca: «¡Pueblotaca ñami quichushca!» nirca.

LEVÍTICO 26:17

Ñucaca cancunata piñashami. Shina piñacpimi, cancunata piñaccunaca atishpa chugrichinga. Cancunata mana ricunayachiccunami manchachishpa changa. Manapish pi ima nicucpimi, miticushpa puringuichic.

LEVÍTICO 26:36

Cancunapuramanta saquiriccunaca piñaccunapac llactapimi causanga. Paicunapac shungupi ñuca manchaita churacpimi, shuc yurapi panga huairahuan cuyuricllapipish manchaihuan callpanga. Espadahuan huañuchingapac caticucpi shinami, manapish pi caticucpi, callpashpa urmanga.

ZACARÍAS 8:19

«Judá llactapi causaccuna chuscu quillapi, pichca quillapi, canchis quillapi, chunga quillapi ayunanaca yallita cushicuna fiesta punzhacunami tucunga. Chaimanta cashcata ninata, cushi causaita munaichic» nirca.

DEUTERONOMIO 28:25

Mandac Diosca cancunataca piñaccunapac maquipimi llaquichichun churanga. Cancunaca macanacungapacca shuc ñanllatami llucshinguichic. Cutin paicunapac ñaupamantaca canchis ñantami cutinguichic. Chaita ricushpaca, tucui cai pachapi tiyac jatun mandaccunami mancharinga.

DEUTERONOMIO 32:30

Jatun Rumi shina Diosllatac mana mishachishca cacpica, ¿ima shinatac shuclla runa huaranga genteta callpachinga? ¿Ima shinatac ishcailla runa chunga huaranga genteta catishpa cachanga?