Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 REYES 25:1 - Dios Rimashcata Quillcashcami

1 Sedequías Judá llactata iscun huata chunga quilla chunga punzhata mandacucpimi, jatun mandac Nabucodonosorca paipac tucui soldadocunahuan Jerusalenman shamurca. Chashna shamushpaca, tucui pueblo muyunditami torrecunata macanacungapac shayachirca.

အခန်းကိုကြည့်ပါ။ ကော်ပီ




2 REYES 25:1
33 ပူးပေါင်းရင်းမြစ်များ  

Joacim mandacui punzhacunami Babilonia llactata jatun mandac Nabucodonosorca macanacungapac shamurca. Macanacushpa aticpimi, Joacimca quimsa huatata Nabucodonosorta servishpa causarca. Chai quipaca mana paita cazushpami, cariyarca.


Chai punzhacunapimi Babilonia llactata jatun mandac Nabucodonosorta serviccuna Jerusalenpi causaccunahuan macanacungapac shamushpa, pueblota muyushpa shayarirca.


Sedequías chai pueblota chunga shuc huatata mandangacamanmi chai pueblo muyundipi carcacuna.


Babilonia llactata jatun mandac Nabucodonosor chunga iscun huata, pichca quilla, sucta punzhata mandacucpimi, paipac soldadocunata mandac paita servic Nabuzaradanca Jerusalenman shamurca.


Judá llactapi causaccunata, Jerusalenpi causaccunata Mandac Dios Nabucodonosorta prezu apachun saquicpimi Josadactapish prezu aparca.


Sedequiasca ishcai chunga shuc huatata charishpami mandai callarirca. Paica chunga shuc huatatami Jerusalenpi mandarca.


Ñucami cancunapac muyundipi carpacunata shayachishpa, achca soldadocunahuan muyunacushpa chapasha. Baluartecunatapishmi shayachisha.


«Babilonia llactata jatun mandac Nabuconodosormi ñucanchic-huan macanacungapac shamushca. Chaimanta cunan, Mandac Diosta ñucanchicmanta tapuiyari. Chai jatun mandac ñucanchicmanta anchurichun, Diosca jatun poderta charishcamanta imapish mancharinacunata ruhuangapishchari» nirca. Chashna cachacpimi, Mandac Diosca Jeremiasta rimarca.


Maijan llacta, mana cashpaca maijan jatun mandac Babilonia llactata jatun mandac Nabucodonosorta yugota cungapi churashca shina, mana servisha nictaca jatun macanacuipi yarcaihuan, yalli ungüihuanmi llaquichisha. Chashnami Nabucodonosorpac maquipi yaicungacaman llaquichisha.


Nabucodonosor Babilonia llactata chunga huatata mandacucpi, jatun mandac Sedequías Judá llactata chunga pusac huatata mandacucpimi, Mandac Diosca Jeremiasman huillarca.


Chai punzhacunapica Babilonia llactata jatun mandacpac soldadocunami Jerusalentaca muyunacushpa chapacurca. Chai punzhapica Dios ima nishcata huillac Jeremiasca Judá llactata jatun mandacpac huasi canzhapimi prezu carca.


Riquichic, caldeocunaca cai llactata japingapacmi ariete nishcacunahuan shamushca. Cai llactaca yarcaihuan, ungüihuan llaquipi cashcamantami paicunahuan macanacuc shamuc caldeocunapac maquipi yaicugrin. Cai huillashcacunaca ñami pactacun. Chaitaca can Diosllatacmi ricucungui.


Chaimantami ñucaca: Cai llactataca caldeocunapac maquipi, shinallatac Babilonia llactata jatun mandac Nabuconodosorpac maquipimi churagrini. Shina churacpimi, paica japinga.


Cancunallatac mana cazushcamantami chai soldadocunaca chagrata cuidac runacuna shina, muyundipi chapacun. Chaitaca Mandac Dios ñucami nini.


Chashna pambashpaca, israelcunapac tucuita Mandac Diosca: “Ñucata servic Babilonia llactata jatun mandac Nabucodonosortami cachagrini. Shina cachashpami, pai mandashpa tiyarinataca chai rumicunapac jahuapi churasha. Chai jahuapimi sumac carpa huasita shayachinga.


Israelcunaca chingarishca ovejacuna shinami. Leoncunami catishpa shic-huarca. Puntaca Asiria llactata jatun mandacmi micurca. Tullucunataca Babilonia llactata jatun mandac Nabucodonosormi paquirca.


Jerusalenpi causaccunaca: «Babilonia llactata jatun mandac Nabucodonosormi pandachirca. Ñutuchishpami micurca. Shinami chushaclla platota shina saquirca. Jatun manchana dragón shamushpami, huicsa jundata micuc shinami, ñucanchic charishca sumaccunataca tucuchirca. Chashna micushpaca ñucataca llucchishpami cacharca.


Sedequiasca ishcai chunga shuc huatayuc cashpami, mandai callarirca. Paica chunga shuc huatatami Jerusalenpi mandarca. Paipac mamaca Libna llactamanta Jeremiaspac ushi Hamutalmi carca.


Paita llaquichingapacca michiccunami ovejacunahuan shamun. Llacta muyundipi carpa huasicunata shayachishpami, michina pambata japishpa michinga» nirca. Piñaccunaca:


Huañunalla runa, chai espadaca ishcai cutin, quimsa cutincamanmi llaquichinga. Chai espadami tucuita huañuchishpa pasanga. Chaimanta maquita huactashpa huillaiyari.


Mandac Dios ñucaca: Tiro llactata llaquichichunca, jahua Babilonia llactata jatun mandac Nabucodonosortami pushamusha. Paica jatun mandaccunatapish jatun mandacmi. Paimi achca caballocunahuan, carretacunahuan, caballopi ric soldadocunahuan, achca runacunahuan shamunga.


Babiloniapi ishcai chunga pichca huatata prezu cacpi, huata callari quilla, chunga punzhapimi Mandac Diosca ñucata sinchiyachishpa, israelcunapac llactaman pusharca. Jerusalenta quichushcapish, ñami chunga chuscu huata carca.


«Judá llactapi causaccuna chuscu quillapi, pichca quillapi, canchis quillapi, chunga quillapi ayunanaca yallita cushicuna fiesta punzhacunami tucunga. Chaimanta cashcata ninata, cushi causaita munaichic» nirca.


Chai gentecunaca tucui cancuna causana llactacunata jarcachishca jatun pircacuna, tucui urmangacamanmi muyunacunga. Chai jarcachishca pircacunahuanca cushillami carcanguichic. Mandac Dios cushca tucui cancunapac llactacunatapish, llactacunatapishmi muyunacushpa shayacunga.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ