2 REYES 24:20 - Dios Rimashcata Quillcashcami

²⁰ Chaimantami Mandac Diosca Jerusalenpi causaccunahuanpish, Judá llactapi causaccunahuanpish yallita piñarishpa, paipac ñaupamanta llucchishpa cacharca. Sedequiasca Babilonia llactata jatun mandacta mana cazushpami cariyarca.

2 REYES 24:20 ပူးပေါင်းရင်းမြစ်များ

GÉNESIS 4:16

Caín Mandac Diospac ñaupamanta rishpaca, Edén huerta inti llucshic lado Nod llactapimi causagrirca.

2 REYES 22:17

Ñucata saquishpa shuc dioscunaman inciensota rupachishcamantami chashna llaquichigrini. Cancunapac maquihuan chashna mana allita ruhuashpami, ñucataca yallita piñachircanguichic. Chaimantami cai llactapi causaccunahuanca nina japiric shina yallita piñarircani. Chashna piñarishcamantaca manatac alli tucushachu’ ninmi.

2 REYES 23:26

Josías chashna ruhuacpipish, Mandac Diosca Judá llactata jatun mandac Manasés yallita millaita ruhuashcamantaca Judá llactapi causaccunahuan nina japiric shina piñarishpami catirca.

2 REYES 24:1

Joacim mandacui punzhacunami Babilonia llactata jatun mandac Nabucodonosorca macanacungapac shamurca. Macanacushpa aticpimi, Joacimca quimsa huatata Nabucodonosorta servishpa causarca. Chai quipaca mana paita cazushpami, cariyarca.

2 REYES 24:3

Manasés juchacunata ruhuashcamanta, tucui imatapish pai ruhuashcamantami paipac ñaupamanta anchuchingapac Mandac Diosllatac Judá llactata llaquichichun cacharca.

2 CRÓNICAS 36:13

Shinallatac jatun mandac Nabucodonosortapish mana cazurcachu. Nabucodonosorca paihuan shuc shinalla cachunmi, Diospac shutipi ari nishca carca. Chashna ari nishca jahuami sinchi shungu tucushpa, mana pactachishpa, israelcunata Mandac Diospacman cutirinatapish mana munarca.

SALMOS 51:11

Cambac ñaupamantaca amatac anchuchichu. Cambaclla Espiritutapish ñucamanta ama quichuichu.

JEREMÍAS 37:2

Ashtahuanpish Mandac Dios Jeremiasman huillachishcataca Sedequiaspish, paita serviccunapish, chai llacta gentecunapish mana cazurcachu.

JEREMÍAS 52:3

Chaimantami Mandac Diosca yallita piñarishpa, Judá llactapi causaccunatapish, Jerusalenpi causaccunatapish paipac ñaupamanta llucchishpa cacharca. Sedequiasca Babilonia llactata jatun mandacta mana cazushpami piñarirca.

EZEQUIEL 17:12

«Chai mana cazuc gentecunataca: “Cai parlo imata nisha nishcataca, ¿manachu entendinguichic?” ningui. Paicunataca: “Riquichic, Babilonia llacta jatun mandac Jerusalenman shamushpami, jatun mandactapish, quipa mandaccunatapish Babilonia llactaman prezu aparca.

EZEQUIEL 19:14

Chai tarpushca yurapac ñahuimanta nina llucshishpami ramacunatapish, granocunatapish rupachirca. Chai yurapica jatun mandaccunapac mandana sinchi varapish ña mana tiyarcachu” ninmi ningui. Caicunaca llaqui cantana cantomi. Llaquipi cantangapacmi alli can» nirca.

1 CORINTIOS 1:20

Shinaca, ¿maipitac chai yachaisapaca? ¿Maipitac chai yachachicca? ¿Maipitac cai pacha yachaimanta ricuchicca? Cai pachamanta yachaitaca Diosmi pucllaita shina ruhuashca.

DEUTERONOMIO 2:30

Ashtahuanpish Hesbón llactata jatun mandac Sehonca Mandac Dios paipac shunguta sinchiyachicpimi, mana paipac llactata pasachisha nirca. Ashtahuanpish chai llactata cancunaman cungapacmi chai mandacpac yuyaitapish, shungutapish sinchiyachirca. Chashnami cunancaman chai llactapi causacunguichic.

DEUTERONOMIO 29:27

Chaimantami Mandac Diosca chai llactapi causaccunahuan nina japiric shina piñarishpa, cai libropi sinchita nicushca shina, llaquicunahuan llaquichishca.

DEUTERONOMIO 4:24

Mandac Diosca paipaclla cachunmi munan. Paica rupachishpa tucuchic nina shinami.