2 REYES 24:17 - Dios Rimashcata Quillcashcami

¹⁷ Chai quipaca Babilonia llactata jatun mandacca Joaquinpac tio Mataniastami Joaquinpac randi jatun mandac cachun churarca. Mataniastaca Sedequiastami shutichirca.

2 REYES 24:17 ပူးပေါင်းရင်းမြစ်များ

2 REYES 23:34

Chashna ruhuashpami, Egipto llactata jatun mandac Necaoca Eliaquimta paipac taita Josiaspac randi jatun mandac cachun churarca. Eliaquimtaca Joacimtami shutichirca. Joacaztaca Egiptomanmi prezu aparca. Chaipimi paica huañurca.

2 CRÓNICAS 36:4

Egipto llactata jatun mandacca Judá llactata, Jerusalenta jatun mandac cachunca, Joacazpac huauqui Eliaquimtami churarca. Eliaquimtaca Joacimtami shutichirca. Paipac huauqui Joacaztaca Necaomi Egiptoman aparca.

JEREMÍAS 1:3

Josiaspac churi jatun mandac Joacim Judá llactata mandacui huatamanta Josiaspac churi jatun mandac Sedequías Judá llactata chunga shuc huata mandangacamanmi Jeremiasmanca huillarca. Chai huata, pichca quillapimi, Jerusalenpi causaccunata prezu apashca carca.

JEREMÍAS 21:1

Judá llactata jatun mandac Sedequiasca Malquiaspac churi Pasurta, Maasiaspac churi Sofonías curatami Jeremiaspacman cacharca. Paicunata cachashpaca:

JEREMÍAS 37:1

Babilonia llactata jatun mandac Nabucodonosormi Josiaspac churi Sedequiasta Judá llactata jatun mandachun churarca. Paica Joacimpac churi Coniaspac randimi mandarca.

JEREMÍAS 49:34

Judá llactata jatun mandac Sedequías mandacui huata Mandac Dios Elam llactata llaquichinamanta pai ima nishcata huillac Jeremiasta rimashpaca:

JEREMÍAS 52:1

Sedequiasca ishcai chunga shuc huatayuc cashpami, mandai callarirca. Paica chunga shuc huatatami Jerusalenpi mandarca. Paipac mamaca Libna llactamanta Jeremiaspac ushi Hamutalmi carca.

EZEQUIEL 17:13

Shinallatac jatun mandacpac huahuacunapuramanta shuc mandacta japishpami, paihuan ari ninacurca. Cai llactapi causac sinchi mandaccunatapish pusharcami.

EZEQUIEL 17:16

Mandac Dios ñuca shutipimi nini: Chai runa pai ari nishcata mana cazushcamantaca mandac cachun churashca jatun mandacpac Babilonia llactallapitacmi huañunga. Paihuan ari nishcata yangapi churashpami, pactachinacunatapish mana cazurca.

EZEQUIEL 23:17

Chashnami Babilonia llacta gentecuna shamushpa, paihuan huainayashpa cushicurca. Chai gentecunahuanmi millanayachingacaman huainayashpa mapayarca.

DANIEL 1:7

Chai mandana huasipi serviccunata mandacca Danieltaca Beltesasartami shutichirca. Ananiastaca Sadractami shutichirca. Cutin Misaeltaca Mesacta, Azariastaca Abed-negotami shutichirca.