2 REYES 24:16 - Dios Rimashcata Quillcashcami

¹⁶ Babilonia llactata jatun mandacca canchis huaranga macanacuc soldadocunata, artesanocunata shinallatac fierrota huactaccunataca huaranga runacunata shinallatac macanacunata pudic gentecunata japishpami Babiloniaman prezu aparca.

2 REYES 24:16 ပူးပေါင်းရင်းမြစ်များ

2 REYES 24:14

Chai quipami Jerusalenmantaca tucui mandaccunata, ashtahuan sinchi soldadocunata, artesanocunata, fierrota huactaccunatapish tucuita tandachishpa, chunga huaranga runacunata prezu aparca. Judá llactapi causac huacchacunallami chaipica saquirirca.

2 REYES 25:12

Chashna cashpapish Nabuzaradanca Judá llactapi causac ashtahuan huaccha gentecunataca uvas chagracunapi, pambacunapi trabajachunmi mana apashpa saquirca.

1 CRÓNICAS 9:1

Tucui israelcunataca ñaupa taitacunapac huahua huahuacunata catishpami yuparca. Chai shuticunaca Israel llactata jatun mandaccunapac libropimi quillcashca tiyacun. Judá llactapi causaccunataca Diosta mana cazushcamantami Babilonia llactaman prezu aparca.

JEREMÍAS 22:25

Shina llucchishpaca can manchana, canta huañuchinata munaccunapac, Babilonia llactata jatun mandac Nabucodonosorpac, caldeocunapac maquipimi cantaca churasha.

JEREMÍAS 29:2

(Chai cartataca jatun mandac Joaquintapish, paipac mama jatun mandactapish, shuctac mandaccunatapish, Judá llactata, Jerusalenta mandaccunatapish, artesanocunatapish, fierrerocunatapish Jerusalenmanta prezu apashca quipami cacharca).

JEREMÍAS 52:28

Nabucodonosor canchis huatapi Judá llactamanta prezu apashcacunaca quimsa huaranga ishcai chunga quimsa gentecunami carca.

EZEQUIEL 17:13

Shinallatac jatun mandacpac huahuacunapuramanta shuc mandacta japishpami, paihuan ari ninacurca. Cai llactapi causac sinchi mandaccunatapish pusharcami.

EZEQUIEL 17:3

parlashpa: “Mandac Diosca: Jatun alasyuc, tauca color achca plumacunayuc shuc jatun angami Líbano urcumanta cedro yura ñahuita apangapac shamurca.