2 REYES 24:15 - Dios Rimashcata Quillcashcami

¹⁵ Jatun mandac Joaquintapish, paipac mamatapish, paipac huarmicunatapish, paita serviccunatapish, Judá llactapi causac chayuccunatapish Jerusalenmantaca Babilonia llactamanmi prezu aparca.

2 REYES 24:15 ပူးပေါင်းရင်းမြစ်များ

2 REYES 20:18

Shinallatac can charishca churicunatapish Babilonia llactata jatun mandacpac huasipi eunucocuna tucushpa causachunmi apanga” ninmi— nirca.

2 REYES 24:8

Joaquinca chunga pusac huatata charishpami mandai callarirca. Paica quimsa quillatami Jerusalenpi mandarca. Paipac mamaca Jerusalenmanta Elnatanpac ushi Nuhustami carca.

2 REYES 25:12

Chashna cashpapish Nabuzaradanca Judá llactapi causac ashtahuan huaccha gentecunataca uvas chagracunapi, pambacunapi trabajachunmi mana apashpa saquirca.

2 REYES 25:21

Chaipimi Babilonia llactata jatun mandacca Hamat llactapi huañuchirca. Chashnami Judá llactapi causaccunataca paicunapac llactamanta caruman prezu aparca.

2 REYES 25:27

Judá llactata jatun mandac Joaquín quimsa chunga canchis huatata prezu causacucpimi, Evil-merodacca Babilonia llactata jatun mandac tucurca. Paimi mandai callarishca chunga ishcai quilla, ishcai chunga canchic punzhapi Joaquintaca carcelmanta llucchirca.

1 CRÓNICAS 9:1

Tucui israelcunataca ñaupa taitacunapac huahua huahuacunata catishpami yuparca. Chai shuticunaca Israel llactata jatun mandaccunapac libropimi quillcashca tiyacun. Judá llactapi causaccunataca Diosta mana cazushcamantami Babilonia llactaman prezu aparca.

2 CRÓNICAS 36:10

Ña huata tucucucpimi, Nabucodonosorca Joaquintapish, Mandac Diospac huasipi tiyashca ashtahuan sumac charinacunatapish Babiloniaman apamuchun cacharca. Paita apashpaca, paipac huauqui Sedequiastami Judá llactata, Jerusalén pueblota jatun mandac cachunca churarca.

ESTER 2:5

Jatun mandac causana Susa pueblopica Judá llactamanta Benjaminpac aillupuramanta Mardoqueomi causarca. Paica Jairpac churi, Jairca Semeipac churi, Semeica Cispac churimi carca.

ESTER 2:6

Mardoqueoca Babilonia llactata jatun mandac Nabucodonosor Judá llacta Jerusalén pueblomanta prezu apashcapurami carca. Paitami Judá llactata jatun mandac Jeconias-huan pacta prezu apashca carca.

JEREMÍAS 13:18

Jatun mandacta, jatun mandacpac mamataca: “Cancuna sumac mandac cashcata ricuchic coronaca cancunapac umamanta urmashcami. Chaimanta cumurishpa, allpapi tiyarichicyari” niyari.

JEREMÍAS 29:2

(Chai cartataca jatun mandac Joaquintapish, paipac mama jatun mandactapish, shuctac mandaccunatapish, Judá llactata, Jerusalenta mandaccunatapish, artesanocunatapish, fierrerocunatapish Jerusalenmanta prezu apashca quipami cacharca).

JEREMÍAS 52:28

Nabucodonosor canchis huatapi Judá llactamanta prezu apashcacunaca quimsa huaranga ishcai chunga quimsa gentecunami carca.

EZEQUIEL 17:12

«Chai mana cazuc gentecunataca: “Cai parlo imata nisha nishcataca, ¿manachu entendinguichic?” ningui. Paicunataca: “Riquichic, Babilonia llacta jatun mandac Jerusalenman shamushpami, jatun mandactapish, quipa mandaccunatapish Babilonia llactaman prezu aparca.

EZEQUIEL 17:13

Shinallatac jatun mandacpac huahuacunapuramanta shuc mandacta japishpami, paihuan ari ninacurca. Cai llactapi causac sinchi mandaccunatapish pusharcami.

EZEQUIEL 17:3

parlashpa: “Mandac Diosca: Jatun alasyuc, tauca color achca plumacunayuc shuc jatun angami Líbano urcumanta cedro yura ñahuita apangapac shamurca.

EZEQUIEL 19:9

Cadenahuan huatashpa, jaulapi churashpami, Babilonia llactata jatun mandacpacman aparca. Israel llacta urcucunapi chai león huacashca ama ashtahuan uyarichunmi prezurca.

DANIEL 1:3

Jatun mandac Nabucodonosormi paipac huasipi serviccunata mandac Aspenazta israelcunapuramanta alli nishca jatun mandacpac churicunata pushamuchun cacharca.