2 REYES 24:14 - Dios Rimashcata Quillcashcami

¹⁴ Chai quipami Jerusalenmantaca tucui mandaccunata, ashtahuan sinchi soldadocunata, artesanocunata, fierrota huactaccunatapish tucuita tandachishpa, chunga huaranga runacunata prezu aparca. Judá llactapi causac huacchacunallami chaipica saquirirca.

2 REYES 24:14 ပူးပေါင်းရင်းမြစ်များ

2 REYES 24:16

Babilonia llactata jatun mandacca canchis huaranga macanacuc soldadocunata, artesanocunata shinallatac fierrota huactaccunataca huaranga runacunata shinallatac macanacunata pudic gentecunata japishpami Babiloniaman prezu aparca.

2 REYES 25:12

Chashna cashpapish Nabuzaradanca Judá llactapi causac ashtahuan huaccha gentecunataca uvas chagracunapi, pambacunapi trabajachunmi mana apashpa saquirca.

1 CRÓNICAS 9:1

Tucui israelcunataca ñaupa taitacunapac huahua huahuacunata catishpami yuparca. Chai shuticunaca Israel llactata jatun mandaccunapac libropimi quillcashca tiyacun. Judá llactapi causaccunataca Diosta mana cazushcamantami Babilonia llactaman prezu aparca.

ESDRAS 2:1

Babilonia llactata jatun mandac Nabucodonosormi israelcunataca Babilonia llactaman prezu apashca carca. Paicunaca punta causashca Judá llactaman, Jerusalenman paicunapac quiquin pueblollamantacmi cutircacuna.

NEHEMÍAS 1:2

ñucapac huauqui Hanani Judá llactamanta maijan runacunahuan shamurca. Chashna shamucpimi, prezu apacucpi, miticushpa saquirishcacunamanta, shinallatac Jerusalén pueblomanta tapurcani.

ESTER 2:6

Mardoqueoca Babilonia llactata jatun mandac Nabucodonosor Judá llacta Jerusalén pueblomanta prezu apashcapurami carca. Paitami Judá llactata jatun mandac Jeconias-huan pacta prezu apashca carca.

ISAÍAS 3:2

Sinchita macanacuc runatapish, jueztapish, Dios ima nishcata huillactapish, adivinotapish, pushac yuyactapish,

JEREMÍAS 27:20

Babilonia llactata jatun mandac Nabucodonosorca Joacimpac churi Judá llactata jatun mandac Joaquintapish, Judá llactapi, Jerusalenpi causac mandaccunatapish Babiloniaman prezu apacushpaca, caicunataca mana aparcachu.

JEREMÍAS 28:4

Shinallatac Joacimpac churi Judá llactata jatun mandac Joacimtapish, Judá llactamanta Babilonia llactaman prezu apashcacunatapish cutichimushami. Ñucallatacmi Babilonia llactata jatun mandacpac yugotaca paquisha. Chaitaca Mandac Dios ñucami nini” ninmi» nirca.

JEREMÍAS 29:2

(Chai cartataca jatun mandac Joaquintapish, paipac mama jatun mandactapish, shuctac mandaccunatapish, Judá llactata, Jerusalenta mandaccunatapish, artesanocunatapish, fierrerocunatapish Jerusalenmanta prezu apashca quipami cacharca).

JEREMÍAS 39:10

Shina apashpapish soldadocunata mandac Nabuzaradanca imata mana charic huacchacunataca Judá llactallapitacmi saquirca. Paicunamanca allpacunata, uvas chagracunatami curca.

JEREMÍAS 40:7

Babilonia llactata jatun mandac Ahicampac churi Gedaliasta Judá llactatapish, Babilonia llactaman mana apashca caricunatapish, huarmicunatapish, huahuacunatapish, huacchacunatapish mandachun churashcatami urcucunapi miticushpa saquirishca mandac soldadocuna, caishuc soldadocunaca yachac chayarca.

JEREMÍAS 52:16

Shina mandashpapish, cuidac soldadocunata mandac Nabuzaradanca imata mana charic huaccha gentecunataca ashalla uvasta, granota tarpuchunmi saquirca.

JEREMÍAS 52:28

Nabucodonosor canchis huatapi Judá llactamanta prezu apashcacunaca quimsa huaranga ishcai chunga quimsa gentecunami carca.

EZEQUIEL 17:14

Chaica Jerusalenta mandaccuna ama cutin jatarishpa mandachun, paihuan ari nishcata pactachishpa, cumurishpa causachunmi chashnaca ruhuarca.

EZEQUIEL 17:3

parlashpa: “Mandac Diosca: Jatun alasyuc, tauca color achca plumacunayuc shuc jatun angami Líbano urcumanta cedro yura ñahuita apangapac shamurca.

SAN MATEO 1:11

Josiasca Jeconías shinallatac shuctac churicunatami charirca. Chai punzhacunami, israelcunataca Babilonia llactaman prezu apashca carca.

SAN MATEO 1:12

Shina apashca quipami, Jeconiasca Salatiel churita charirca. Salatielca Zorobabel churitami charirca.

SAN MATEO 1:17

Chashna cashpami, Abraham causacui punzhamanta David causai punzhacamanca, chunga chuscu taitacuna carca. David causacui punzhamanta israelcunata Babilonia llactaman prezu apai punzhacamanca, chunga chuscu taitacunami carca. Chaimanta Cristo huacharingacamanca, chunga chuscu taitacunami carca.

DEUTERONOMIO 28:36

Mandac Diosmi cancunatapish, cancunapac llactata jatun mandaccunatapish, cancunapish, cancunapac taitacunapish mana ricsishca llactacunapacman apanga. Chai llactapimi rumimanta, caspimanta ruhuashca shuctac dioscunata servinguichic.

1 SAMUEL 13:19

Tucui Israel llactapica fierromanta imatapish ruhuac runaca shucllapish mana tiyarcachu. Filisteocunami israelcunataca espadatapish, lanzatapish ruhuachunca mana saquircacuna.