2 REYES 23:8 - Dios Rimashcata Quillcashcami

⁸ Judá llacta pueblocunapi causac tucui curacunatapish cayashpa tandachishpami, lomacunapi tiyac altarcunataca Geba pueblomanta callarishpa, Beerseba pueblocaman tucuchishpa saquirca. Chai altarcunapimi curacunaca inciensota rupachic carca. Shinallatac pueblota mandac Josué ruhuachishca pueblo yaicuna pungu lluqui ladopi tiyac altarcunatapish urmachircami.

2 REYES 23:8 ပူးပေါင်းရင်းမြစ်များ

GÉNESIS 21:14

Shina nicpimi, Abrahamca tutamanta utca jatarishpa micunatapish, shuc puru yacutapish Agarman curca. Shinallatac huahuatapish cushpami, caya minchacaman nishpa cacharca. Agarca Beerseba shitashca pambatami maiman chayanatapish mana yachashpa ricurcalla.

GÉNESIS 21:31

Shina ishcaita chaipi ari nishcamantami chai allpataca Beersebata shutichirca.

GÉNESIS 26:23

Chaimantaca Beersebamanmi huichai rirca.

1 REYES 15:22

Chaimantami jatun mandac Asaca Judá llactapi causaccunataca shucllatapish mana saquishpa, tucui tandachirca. Paicunahuanmi Ramá puebloman rishpa Baasapac pircashca rumicunata, caspicunata aparca. Shina apashpaca jatun mandac Asaca Benjamín llacta Geba, Mizpa pueblocunatami shayachirca.

1 REYES 19:3

Chashna huillacpimi, Eliasca mancharishpa ama huañuchichun nishpa, Judá llacta Beerseba puebloman rirca. Chai pueblopimi paita servictaca saquirca.

1 CRÓNICAS 6:60

Benjamín aillupac llactapica Geba, Alemet, Anatot, pueblocunatami muyundi michina pambacunandi curca. Cohatpac huahua huahuacunaca mashna familiacuna tiyashca shinallatacmi chunga quimsa pueblocunata chaupircacuna.

ISAÍAS 10:29

Ashalla yacuta pasashpami Geba llactapi pacarirca. Ramá llactapi causaccunaca chucchurcami. Saulpac Gabaa llactamantapish miticushpami callparca.

EZEQUIEL 44:10

Israelcuna ruhuashcalla dioscunata adorangapac ñucamanta caruyacta ricushpaca, levitacunapish ñucamanta caruyarcami. Chaimantami paicunapish llaqui tucunga.

AMÓS 5:5

Bet-elmanpish, Gilgalmanpish ama yaicunguichicchu. Beersebamanpish ama pasaichicchu. Gilgalpi causaccunataca prezu apangami. Bet-el llactaca tuñishcami canga» ninmi.

ZACARÍAS 14:10

Tucui llactami Geba llactamantaca Jerusalén ura ladoman tiyac Rimón llactacamanmi pugru pamba tucunga. Jerusalenca jahuapimi canga. Chai puebloca Benjaminpac pungumantaca punta pungucaman, pirca esquinapi tiyac pungucamanmi canga. Hananeelpac jatun torremantaca jatun mandacpac uvasta cutana pushtucunacamanmi causanga.

JOSUÉ 18:24

Quefar-haamoní, Ofni shinallatac Gebami carca. Tucuica chunga ishcai pueblocunami, muyundi uchilla llactacunandi carca.

JOSUÉ 21:17

Benjamín aillupac llactamantaca Gabaón, Geba pueblocunata michina pambacunandi,

JUECES 20:1

Tucui israelcunami Dan pueblomanta Beerseba pueblocaman llucshishpa Mizpa pueblopi Mandac Diospac ñaupapi shuc shinalla tandanacurca. Chaipica Galaad llactapi causac gentecunacamanmi carca.