2 REYES 23:7 - Dios Rimashcata Quillcashcami

⁷ Shinallatac Mandac Diospac huasipi tiyac yanga dioscunata mañashpa, huainayana ucutapish urmachircami. Chai ucupimi huarmicunaca Asera diosman carpa huasicunata ahuashpa causaccuna carca.

2 REYES 23:7 ပူးပေါင်းရင်းမြစ်များ

1 REYES 14:24

Chashnallatac allitami ruhuacunchic nishpami chai llactapi causac caricunaca huarmicunahuan sueñuc shinallatac caripura huaclliriccuna carca. Israelcunapac ñaupamanta Mandac Dios llucchishpa cachashca millai gentecuna ruhuashpa causashca shinallatacmi, paicunapish ruhuarca.

1 REYES 15:12

Paica allitami ruhuacunchic nishpa huaclliric caricunataca tucuitami chai llactamanta anchuchirca. Paipac ñaupa taitacuna ruhuashca yanga dioscunatapish tucuimi chingachirca.

1 REYES 22:46

Paimi paipac taita Asa mandacuc punzhacunapi saquirishca altarcunapi caripura huaclliric gentecunataca tucui tucuchirca.

2 CRÓNICAS 34:33

Josiasca israelcunapac llactataca chuyanllatami ruhuarca. Chashna ruhuashpami Israel llactapi tucui causaccunataca paicunata Mandac Diosta servichun mandarca. Josiasca paipac tucui causaipimi ñaupa taitacunata Mandac Diosmantaca mana anchurishpa, paillata catishpa causarca.

EZEQUIEL 16:16

Cambac sumac churanacunallahuantacmi lomacunapi altarta ruhuashpa huainayarcangui. ¡Chai shinaca jaicapi mana tucushcachu, manatac tucungachu!

EZEQUIEL 8:14

Chai quipaca Mandac Diospac huasiman yaicuna jahua lado pungumanmi pusharca. Chaipica huarmicuna Tamuz diosmanta huacacuctami ricurcani.

OSEAS 2:13

Baal diosman fiestata ruhuashpa, inciensota rupachishpa, alli ricuringapac zarcillocunata, sumac huallcacunata churarishpa, paipac cuyaccunata catishpa, ñucata cungarishcamantami chashna llaquichisha. Chaitaca Mandac Dios ñucami nini.

OSEAS 4:13

Urcu jahuacunapimi animalta cushpa huañuchin. Loma jahuapi, encina, álamo, olmo yura ucucunapimi inciensotapish rupachin. Chaimantami cancunapac ushicunapish, nueracunapish huainayan.

OSEAS 4:14

Can caricunallatacmi huainayac huarmicunahuan huainayanguichic. Chai huarmicunahuami animalta cushpa huañuchinguichic. Chaimantami cancunapac ushicunatapish, nueracunatapish chashna huainayashcamantaca mana llaquichisha. Chaimantami gentecunaca mana yachashcamanta pandaringa.

NÚMEROS 25:1

Israelcunaca Sitimpimi causacurca. Chaipimi Moabpi causac huarmicunahuan huainayai callarirca

DEUTERONOMIO 23:17

Israelcunapurapica cullquimanta huainayac huarmipish, caripurapica chayarinacuc caripish mana tiyanachu can.