2 REYES 23:6 - Dios Rimashcata Quillcashcami

⁶ Shinallatac Asera huarmi diosta yuyarina yuratapish Mandac Diospac huasimanta llucchishpa aparishpami Jerusalenmanta canzhaman Cedrón pambapi rupachirca. Chai pambapi rupachishca, uchupataca chai pueblomanta gentecuna enterrashca jahuapimi shitarca.

2 REYES 23:6 ပူးပေါင်းရင်းမြစ်များ

1 REYES 14:23

Shinallatac lomacunapi, pangasapa yura ucucunapi, ruhuashcalla dioscunapac huasicunata, Asera huarmi diosman ricchacunatapish ruhuarcacuna.

1 REYES 15:13

Shinallatac Asera diosta ruhuashcamantami paipac mama Maacatapish jatun mandac canamanta anchuchirca. Asaca mamapac yanga diosta paquishpaca, Cedrón yacu ladopimi rupachirca.

1 REYES 16:33

Acabca Asera huarmi diostapish ruhuarcami. Chashnami Acabca Israel llactata paipac punta mandaccunatapish yalli ashtahuan mana allita ruhuashpa, israelcunata Mandac Diostaca yallita piñachirca.

1 REYES 2:37

Chaimanta llucshishpa Cedrón yacuta pasashpa rishpaca chai punzhallatacmi huañungui. Chashna cacpica, can huañushcaca cambac jahuallatami canga— nirca.

2 REYES 10:26

Baal diosta yuyarina ucumanta ruhuashcalla dioscunata llucchishpa rupachirca.

2 REYES 10:27

Ruhuashcalla Baal diostapish rupachishpami, Baal diosta yuyarina huasitapish tigrachirca. Chashna ruhuashpami, chai pushtupica litrina huasicunata shayachirca. Chaica cunan punzhacamanmi chashnallatac can.

2 REYES 21:7

Asera huarmi diosman ricchatapish Mandac Diospac huasipi churarcami. Mandac Dios chai huasimanta Davidtapish, paipac churi Salomontapish rimashpaca: «Ñuca huasi tiyacuc Jerusalén pueblotaca tucui Israel aillupuramantami acllarcani. Cai huasipimi ñuca shutitaca huiñaita causachun churasha.

2 REYES 23:12

Jatun mandac Josiasca Judá llactata jatun mandaccuna Acazpac huasi jahuapi ruhuashca altartapish, Mandac Diospac huasi ishcai pungu pambacunapi Manasés ruhuachishca altarcunatapish ñutuchishpami, Cedrón yacupi shitarca.

2 REYES 23:15

Bet-el pueblopi tiyac altarcunatapish, israelcunata juchata ruhuachic Nabatpac churi Jeroboam lomapi ruhuachishca altarcunatapish tucuchircami. Chai altarcunatapish, lomapi tiyac altarcunatapish rupachishpami uchupata ruhuarca. Asera diostapish rupachircami.

2 CRÓNICAS 15:16

Jatun mandac Asaca paipac mama Maacatapish Asera huarmi diosta ruhuashcamantami jatun mandac canamantaca anchuchirca. Chai diostaca paquishpa ñutuchishpami, Cedrón yacu patapi rupachirca.

2 CRÓNICAS 33:3

Paipac taita Ezequías tigrachishca lomacunapi tiyac altarcunatapish cutin shayachishpami, Baal dioscunaman altarcunata ruhuarca. Asera huarmi diosta yuyarina yuratapish ruhuarcami. Jahuapi tucui ima tiyaccunatapish alli nishpami mañarca.

2 CRÓNICAS 34:4

Paipac ñaupapimi Baal diospac altarcunataca tigrachirca. Patapi tiyac inciensota rupachina altarcunatapish, Asera huarmi diosta yuyarina yuratapish, labrashpa ruhuashca dioscunatapish, yacuyachishpa ruhuashca dioscunatapish paquishpami polvorca. Chai polvotaca chai dioscunaman animalta cushpa rupachiccunata enterrashca jahuapimi shitachun cacharca.

ÉXODO 32:20

Chashna ruhuashpaca curimanta ruhuashca becita ninapi rupachishpa, ñutuchishpami polvota ruhuarca. Chai polvotaca yacupi churashpami, israelcunaman ubiachirca.

JEREMÍAS 17:2

Cancunapac huahuacunaca jatun yuracuna ladopi tiyac Asera huarmi diosta yuyarina altarta, jatun lomacunapi cancuna churashca altarta,

JEREMÍAS 22:18

Chaimanta Mandac Dios Josiaspac churi Judá llactata jatun mandac Joacimmanta rimashpaca: «Pai huañucpica, pipish: “¡Aij, ñuca huauquilla, ñuca panilla!” nishpaca, mana huacangachu. Shinallatac: “¡Aij, ñuca amolla, aij, ñuca jatun mandaclla!” nishpapish, mana llaquiringachu.

JEREMÍAS 31:40

Huañushcacunata shitana pambapish, uchupata shitana pambapish, Cedrón yacu pata pambacaman, inti llucshina ladopi tiyac esquinapi cac caballocuna yaicuna pungucamanmi, Mandac Dios ñucapaclla chicanyachishca canga. Paicunataca jaicapi mana llucchishpa cachangachu. Mana tucuchingachu» ninmi.

SAN JUAN 18:1

Jesusca chashna nishca quipaca, paipac yachacuccunahuanmi Cedrón yacu chimbaman rirca. Chaipimi shuc huerta tiyarca. Chaimanmi Jesusca paipac yachacuccunahuan yaicurca.

DEUTERONOMIO 7:25

Paicunapac ruhuashca dioscunataca ninapi rupachinguichic. Chai dioscunapi cahuishca curita, cullquita munashpapish ama japinguichicchu. Chaicunata japishpaca, mitcaric shinami pandaringuichic. Mandac Diosca chai dioscunata ruhuaccunataca millashpami mana ricunayachin.

DEUTERONOMIO 9:21

Ashtahuanpish cancunata pandachic beci diosta ninapi rupachishpa, ñututa ruhuashpami urcumanta shamuc yacu huaicupi shitarcani.

JUECES 3:7

Israelcunaca Mandac Diospac ñaupapi mana allita ruhuashpami paicunata Mandac Diosta cungarishpa Baal dioscunata, Aserami diosman ricchacunata servircacuna.