2 REYES 23:24 - Dios Rimashcata Quillcashcami

²⁴ Josiasca Mandac Diospac huasipi Hilcías cura tarishca libropi quillcashcata pactachingapacmi huañushcata mañaccunata, adivinocunata huasipi cac dioscunata, Judá llactapi, Jerusalenpi imapish mapacuna tiyashcataca tucui anchuchirca.

2 REYES 23:24 ပူးပေါင်းရင်းမြစ်များ

GÉNESIS 31:19

Labán ovejacunata rutungapac ricpimi, Raquelca paipac taitapac dioscunata shuhuarca.

2 REYES 21:11

«Judá llactata jatun mandac Manasesca cashna millanayai juchacunata ruhuashpami, ñaupa punzhacunapi causac amorreocunatapish ashtahuan yalli mana allita ruhuachirca. Shinallatac paipac ruhuashcalla dioscunahuanmi Judá llactapi causaccunataca juchata ruhuachirca.

2 REYES 21:21

Paipac taita imata ruhuashpa causashca shinallatac, ruhuashcalla dioscunallata servishpa adorashpa causashca shinallatacmi causarca.

2 REYES 21:3

Paipac taita Ezequías lomacunapi tiyac altarcunata urmachishcataca paimi cutin shayachirca. Baal diosmanpish altarcunata ruhuarcami. Israel llactata jatun mandac Acab ruhuashca shinallatacmi Asera huarmi diostapish charirca. Jahua pachapi tiyac tucui lucerocunatapish alli nishpami adorarca.

2 REYES 21:6

Manasesca, paipac churitaca huañuchishpami rupachirca. Adivinocunapish, brujocunapish, huañushcata cayaccunapish, maijan nishcatapish yachachichunmi churarca. Chashna yalli millaita ruhuashpami Mandac Diosta piñachirca.

2 REYES 23:23

Chai Pascua punzhataca jatun mandac Josías ña chunga pusac huatata mandacucpimi, Mandac Diosman Jerusalenpi ruhuarca.

ISAÍAS 19:3

Egiptopi causaccunapac yuyaita yanga ruhuashpami, paicuna parlanacushcatapish tucuchisha. Shina ruhuacpimi, paicunapac ruhuashcalla dioscunata, adivinocunata, huañushcacunata tapungapac ringacuna.

OSEAS 3:4

Unaitami israelcunaca jatun mandactapish, quipa mandactapish mana charinga. Shinallatac rumi dioscunapish, efod nishcapish, Terafín dioscunapish, Diosman animalta cushpa huañuchinapish mana tiyangachu.

LEVÍTICO 19:31

Huañushcapac almacunamanpish, adivinacmanpish ama tapunguichicchu. Chaiman rishpaca mapayanguichicmi. Ñucami cancunata Mandac Dios cani.

LEVÍTICO 20:27

Cari cashpa, huarmi cashpa huañushcapac almahuan parlac, adivino tucucca, ishcaitac rumihuan shitashpa huañuchishcami canga. Paicunaca mana allita ruhuashcamantami huañuchishca canga” ninmi ningui» nirca.

ROMANOS 3:20

Mandashcacunata pactachishcallamantaca pipish Diospac ñaupapi mana chasquishcachu canga. Ashtahuanpish mandashcacunaca juchayuc cashcata ricuchingapacmi can.

SANTIAGO 1:25

Ashtahuanpish huatashca shina cashcamanta cacharichic, Dios mandashpa rimashca shimita uyashpa, mana cungarishpa, shungupi huacaichicca imata ruhuashpapish cushicungami.

APOCALIPSIS 22:15

Shina cacpipish mana allita ruhuaccunaca, brujiaccunaca, huaclliriccunaca, huañuchiccunaca, ruhuashcalla dioscunata adoraccunaca, shinallatac llullanata munashcamanta llullashpa causaccunaca canzhapimi saquiringa.

JUECES 17:5

Chai Micaiasca dioscuna tiyana huasitami charirca. Shinallatac efodta, huasipi charina dioscunatapish ruhuachishpami paipac churicunamanta shuc churita acllashpa cura cachun churarca.