2 REYES 23:16 - Dios Rimashcata Quillcashcami

¹⁶ Josías cuticushpaca, huañushcacunata enterrashca jutcutami lomapi ricurca. Chai tullucunataca Mandac Dios paipac runaman huillachishca shinallatac, chai altarcunapi rupachishpa, chai altarcunata tucuchingapac tullucunata apachun cacharca.

2 REYES 23:16 ပူးပေါင်းရင်းမြစ်များ

1 REYES 13:32

Mandac Dios mandashcamanta Bet-el pueblopi tiyac altarpish, Samaria llacta pueblocunapac lomacunapi tiyac tucui altarcunapish urmangami nishpa caparishpa huillashcaca pactangami» nirca.

2 REYES 23:14

Ruhuashcalla dioscunatapish, Asera diosta yuyarina yuratapish ñutuchishpami shitarca. Chai pushtucunapica gentecunapac tullucunatami jundachirca.

EZEQUIEL 6:5

Israelcuna huañushca cuerpocunataca ruhuashcalla dioscunapac ñaupapi churashpami, tullucunataca cancunapac altar muyundipi shic-huasha.

SAN MATEO 24:35

Jahua pachapish, cai pachapish tucuringami. Ashtahuanpish ñuca huillashcaca pactacungallami.

SAN JUAN 10:35

Dios quillcachishcataca mana llullanchu. Chaitaca yachanguichicmi. Diosca pai rimashcata uyaccunataca “cancunami dioscuna canguichic” nircami.